Kaduvetti Movie's Box Office Collection : காடுவெட்டி திரைப்படத்தின் பாக்ஸ் ஆபீஸ் வசூல்

பல பரபரப்புகள் மற்றும் குற்றச்சாட்டுகளுக்கு மத்தியில் வெளியாகி நிதானமாக திரையரங்குகளில் வசூல் செய்து வருகிறது காடுவெட்டி (Kaduvetti Movie’s Box Office Collection) திரைப்படம். ஆர்.கே.சுரேஷ் நடித்த ‘காடுவெட்டி’ படத்தின் முதல் மூன்று நாள் வசூல் தொடர்பான தகவல் வெளியாகியுள்ளது.

கடந்த மார்ச் 15ஆம் தேதி வெளியாகி ஜாதிப் படக் குற்றச்சாட்டுகளுக்கு மத்தியில் திரையரங்குகளில் ஓடிக்கொண்டிருக்கும் படம் ‘காடுவெட்டி நடுநாட்டுக்கதை’. மறைந்த பாட்டாளி மக்கள் கட்சி தலைவர்களில் ஒருவரான காடுவெட்டி குருவின் வாழ்க்கை வரலாற்றை மையமாக வைத்து இப்படம் உருவாகி உள்ளதாக கூறப்படுகிறது. இந்நிலையில், ஆருத்ரா ஊழல் வழக்கில் தேடப்பட்டு வந்த தமிழ் திரைப்பட தயாரிப்பாளரும், விநியோகஸ்தருமான ஆர்.கே.சுரேஷ் நடித்துள்ள படம் ரிலீசுக்கு முன்பே பெரும் பரபரப்பை ஏற்படுத்தியுள்ளது.

இயக்குனர் பாலாவால் ஆர்.கே. சுரேஷ் தாரை தப்பட்டை படத்தின் மூலம் நடிகராக அறிமுகப்படுத்தப்பட்ட நிலையில், ஆர்.கே.சுரேஷ் தொடர்ந்து பல படங்களில் ஹீரோவாக நடித்து வருகிறார். ஆர்.கே.சுரேஷ் நடித்த காடுவெட்டி படத்தை சோலை ஆறுமுகம் இயக்க, ஸ்ரீகாந்த் தேவா இப்படத்திற்கு இசையமைத்துள்ளார். இப்படத்தில் பள்ளி மாணவிக்கு பாலியல் தொல்லைகளில் ஈடுபடும் நபரை அரிவாள் கொடுத்து, பள்ளி மாணவியையே வெட்ட சொல்லும்படியான காட்சி இடம்பெற்ற நிலையில், இந்த காட்சி இணையத்தில் ஏற்கனவே பெரும் விவாதங்களை கிளப்பியுள்ளது.