Kalaignar Convention Centre : சென்னையில் கலைஞர் கன்வென்சன் சென்டர்...

முதல்வர் ஸ்டாலினின்  சிங்கப்பூர், ஜப்பான் சுற்றுப்பயணத்தின் போது  உதயமான இந்த எண்ணம்  இப்போது  வடிவம் பெறுகிறது. இந்த மையம் குறித்து கடந்த சில மாதங்களுக்கு முன் முதல்வர் மு.க.ஸ்டாலின் பேசியபோது, “சென்னையில் உலகத்தரம் வாய்ந்த பன்னாட்டு மையம் ஆனது  25 ஆயிரம் ஏக்கர் பரப்பளவில் 5 ஆயிரம் பார்வையாளர்கள் அமரும் வகையில் கருணாநிதி பெயரில் அமைக்கப்படும் என்றும் உலகில் பல நாடுகளில் இருப்பது போல நட்சத்திர தங்கும் விடுதிகள், உணவகங்கள் ஆகியவற்றை உள்ளடக்கிய மிக பிரமாண்ட உலகத்தரம் வாய்ந்த பன்னாட்டு அரங்கமாக அது அமையும்” எனத் தெரிவித்து இருந்தார். 

அந்த பன்னாட்டு அரங்கத்தில் மிக பிரம்மாண்டமான முறையில்  உலகளாவிய தொழில் கண்காட்சிகள், திரைப்பட நிகழ்வுகள், பன்னாட்டு மாநாடுகள் போன்ற நிகழ்ச்சிகள் நடைபெறும் என்றும்  சிங்கப்பூர், ஜப்பான் சுற்றுப்பயணத்தின் போது தனக்கு இந்த எண்ணம் உதயமானது என்றும் மொத்தம் 5 ஆயிரம்  பார்வையாளர்கள் அமர்ந்து பார்க்கும் வகையில் மிக பிரம்மாண்டமான முறையில் இந்த கலைஞர் கன்வென்சன் சென்டர் அமையும் என முதல்வர் ஸ்டாலின் தெரிவித்து இருக்கிறார்.

இந்த கோரிக்கை பல காலமாக அரசாங்கத்திடம் வைக்கப்பட்டு வந்த நிலையில், அதை நிறைவேற்றும் வகையில் இந்த அறிவிப்பு வெளியாகி உள்ளது. மக்கள் மற்றும் கலைஞர்களின் பல வருட ஏக்கம் மற்றும்  கனவு நிறைவேற போகிறது.