'Kalki 2898 AD' Trailer Release Date : 'கல்கி 2898 ஏடி' திரைப்படத்தின் ரிலீஸ் தேதி அறிவிப்பு

 நடிகர் பிரபாஸ் நடித்துள்ள “கல்கி 2898 ஏடி” திரைப்படத்தின் ட்ரெய்லர் ரிலீஸ் தேதியை (‘Kalki 2898 AD’ Trailer Release Date) படக்குழு அதிகாரப்பூர்வமாக அறிவித்துள்ளது. நாக் அஸ்வின் இயக்கியுள்ள இந்த படத்தை வைஜெயந்தி மூவிஸ் நிறுவனம் பெரும் பொருட்செலவில் தயாரித்துள்ளது. கல்கி 2898 ஏடி படத்தில் பிரபாஸ், அமிதாப் பச்சன், கமல்ஹாசன், தீபிகா படுகோன், திஷா பதானி, அன்னா பென் மற்றும் பலர் நடித்துள்ளனர். இந்த படத்திற்கு சந்தோஷ் நாராயணன் இசையமைத்துள்ளார். இப்படத்தில் கமல்ஹாசன் வில்லனாக நடிக்கிறார்.

கல்கி திரைப்படம் இந்திய சினிமாவில் பெரும் எதிர்பார்ப்பை ஏற்படுத்தியுள்ளது. பான் இந்தியா படமாக உருவாகி வரும் கல்கியில் பிரபாஸ் மற்றும் அமிதாப் பச்சன் கதாபாத்திரங்கள் வெளியாகி ரசிகர்களிடம் பெரும் வரவேற்பை பெற்றது. ஏற்கனவே பாகுபலி படத்திற்கு பிறகு தொடர் தோல்வியால் தவித்து வரும் பிரபாஸுக்கு இந்த படமாவது கைகொடுக்க வேண்டும் என்று ரசிகர்கள் வேண்டிக்கொண்டுள்ளனர். ரூ.600 கோடி பட்ஜெட்டில் தயாரிக்கப்பட்ட கல்கி 2898 ஏடி படம் மே மாதம் வெளியாகும் என முதலில் அறிவிக்கப்பட்டது. ஆனால் மக்களவை தேர்தல் ஏப்ரல் 19 முதல் ஜூன் 1 வரை நடந்ததால் ரிலீஸ் தேதி ஜூன் மாதத்திற்கு மாற்றப்பட்டது. அதன்படி இப்படம் இந்த மாதம் 27 ஆம் தேதி வெளியாகும் என அறிவிக்கப்பட்டுள்ளது.