Karumegangal Kalaiginrana Movie Review : 'கருமேகங்கள் கலைகின்றன' படத்தின் விமர்சனம்

 ‘கருமேகங்கள் கலைகின்றன’ படத்தின் இறுதிக் காட்சி முடியும்போது மனதில் ஒருவித சோகம் நிச்சயம் வரும். ஒரு நல்ல கதையின் முடிவில் நாம் சரியான வழியில் வந்து சேரவில்லையோ என்பது அப்போதுதான் தெரியும். படத்தின் கதை, மற்ற கதைகளைப் போலவே, உறவுகளின் முக்கியத்துவத்தைச் சுற்றி சுழன்றாலும், வெறும் மிகையான உணர்ச்சிகள் மட்டுமே தொய்வான திரைக்கதையை மறைக்க போதுமானதாக இல்லை. மூன்று வித்தியாசமான கதைகளை சொல்ல முயன்றிருக்கும் இயக்குனர் அவற்றை சம விகிதத்தில் கையாள தவறிவிட்டார். படத்தின் முதல் பாதி முழுவதும் கேரக்டர்களின் பின் கதை தெரியாமல் அவர்களுக்கிடையேயான பிரச்சனையை மட்டும் சொல்லியிருப்பதால் பார்வையாளர்கள் எந்த வித பிடிப்பும் இல்லாமல் படத்தை பார்க்கிறார்கள். இரண்டாம் பாதியில் மற்ற அனைத்து கதாபாத்திரங்களும் ஓரங்கட்டப்பட்டு யோகி பாபுவின் கதாபாத்திரம் மட்டும் முக்கியத்துவம் பெறுகிறது. நாடக தன்மைகள் நிறைந்த வசனங்கள் ஒரு நல்ல கதையின் உணர்ச்சியை நீர்த்துப்போக செய்கிறது.

படத்தில் வரும் அனைத்து கதாபாத்திரங்களும் நன்றாக நடிக்கும் திறன் கொண்டவர்கள் ஆனால் ஏதோ மேடை நாடகத்தில் நடிக்க நிறுத்தியது போல் தயங்கி நிற்கிறார்கள். அதை கச்சிதமாக செய்பவர் பாரதிராஜா மட்டுமே. அதற்கு அவரது வயது முதிர்ச்சி பலம் சேர்க்கிறது. இயக்குனரின் தாக்கம் இல்லாமல் சுதந்திரமாக நடித்த ஒரே நடிகர் யோகி பாபு. படத்தில் அவருக்கும் குழந்தைக்கும் இடையேயான காட்சிகள் மிகவும் சுவாரஸ்யமாக உள்ளது. ஜி.வி.பிரகாஷ் குமாரின் இசை நன்றாக இருந்தாலும் காட்சியமைப்பு மிகைப்படுத்தலுக்கு பயன்படுத்தப்பட்டுள்ளது. இதையெல்லாம் தவிர்த்து, பாலியல் வன்முறையில் ஈடுபடுபவர்களை என்கவுன்டர் செய்ததை நியாயப்படுத்தும் காட்சிகள் படத்தில் இருப்பது இன்னும் விவாதத்திற்குரியது. மொத்தத்தில் ‘கருமேகங்கள் கலைகின்றன’ படம் உணர்வுப்பூர்வமான கதையாக இருந்தாலும், பொருத்தமான திரை மொழியில் (Karumegangal Kalaiginrana Movie Review) சொல்லப்படாத படமாக திணறுகிறது.