KL Rahul Ruled Out : மூன்றாவது டெஸ்ட் போட்டியில் இருந்து கே எல் ராகுல் விலகல்

இங்கிலாந்துக்கு எதிரான மூன்றாவது டெஸ்ட் போட்டியில் இந்திய அணி தற்போது பெரும் பின்னடைவை சந்தித்துள்ளது. 5 போட்டிகள் கொண்ட இந்த டெஸ்ட் தொடரில் இரு அணிகளும் தலா ஒரு வெற்றி பெற்று தொடர் சமநிலையில் உள்ளது. இந்நிலையில் மூன்றாவது டெஸ்ட் போட்டி வரும் 15ம் தேதி குஜராத்தில் உள்ள ராஜ்கோட்டில் நடக்கிறது. இந்த போட்டியில் விராட் கோலி பங்கேற்க மாட்டார் என ஏற்கனவே அறிவித்திருந்த நிலையில், மோசமான பார்ம் காரணமாக ஸ்ரேயாஸ் ஐயரும் அணியில் இருந்து நீக்கப்பட்டுள்ளார். இந்நிலையில் கே.எல். ராகுல், ஜடேஜா ஆகியோர் அணியில் தேர்வு செய்யப்பட்டிருந்தாலும், அவர்களின் உடல் தகுதி 100 சதவீதம் நிரூபிக்கப்பட்டால் மட்டுமே அவர்களுக்கு அணியில் வாய்ப்பு வழங்கப்படும் என அறிவிக்கப்பட்டுள்ளது. இந்நிலையில் நேற்று காலை கே.எல்.ராகுல் பயிற்சியில் ஈடுபட்டதாக செய்திகள் வெளியாகின. இதனால் மூன்றாவது டெஸ்ட் போட்டியில் விராட் கோலி, கே.எல். ராகுல் நான்காம் இடத்தில் களமிறங்குவார் என எதிர்பார்க்கப்பட்டது.

இந்நிலையில் தற்போது கே.எல்.ராகுலுக்கு முழங்கால் பகுதியில் காயம் (KL Rahul Ruled Out) ஏற்பட்டுள்ளது. மற்ற இடங்களில் வலியை காரணம் காட்டி, இரண்டாவது டெஸ்டில் இருந்து விலகினார். தற்போது அவருக்கு முழங்கால் பகுதியில் காயம் ஏற்பட்டுள்ளதாக கூறப்படுகிறது. இதனால் அவர் மூன்றாவது டெஸ்ட் போட்டியில் இருந்து (KL Rahul Ruled Out) நீக்கப்பட்டுள்ளார். அவருக்குப் பதிலாக ஐபிஎல் போட்டிகளில் சிறப்பாக விளையாடிய முன்னாள் RCB வீரர் படிக்கல்  சேர்க்கப்பட்டுள்ளார். படிக்கல் தற்போது ரஞ்சி தொடரில் சிறப்பாக விளையாடி வருகிறார். ரஞ்சி போட்டியில் தமிழக அணிக்கு எதிராக 151 ரன்கள் எடுத்தார். அதேபோல் இங்கிலாந்து லயன்ஸ் அணிக்கு எதிரான இந்தியா அணி ஆட்டத்தில் படிக்கல் 105 ரன்கள் எடுத்திருந்தார். நடப்பு ரஞ்சி தொடரில் 556 ரன்கள் எடுத்துள்ளார். சராசரியாக 92 ரன்கள் எடுத்தார்.