Kubera Movie Teaser : தனுஷ் நடிக்கும் குபேரா படத்தின் டீசர் வெளியீடு

தனுஷ் இயக்கி நடித்த ‘ராயன்’ திரைப்படம் கடந்த ஆண்டு வெளியாகி கலவையான விமர்சனங்களைப் பெற்றது. இந்தப் படத்தைத் தொடர்ந்து, தனுஷ் தற்போது தமிழ் மற்றும் தெலுங்கில் தயாராகும் இருமொழிப் படமான ‘குபேரா’ படத்தில் நடித்து வருகிறார். இந்தப் படத்தின் மூலம் தனுஷ் (Kubera Movie Teaser) நேரடியாக தெலுங்கு சினிமாவில் அடியெடுத்து வைக்கிறார். சேகர் கம்முலா இயக்கத்தில் தனுஷ், நாகார்ஜுனா மற்றும் ராஷ்மிகா மந்தனா ஆகியோரின் நடிப்பில் உருவாகியுள்ள படம் தான் குபேரா. இந்த படம் ஜூன் 20-ம் தேதி தமிழ், இந்தி, தெலுங்கு மற்றும் மலையாள ஆகிய மொழிகளில் வெளியாக உள்ளது. இந்த நிலையில், படத்தின் டீசர் வெளியாகி ரசிகர்களை ஈர்த்துள்ளது. நீண்ட காலமாக கமர்சியல் ரீதியான அதிரடி வேடங்களில் நடித்து வரும் தனுஷ், இந்த படத்தில் பிச்சைக்காரராக நடிப்பதால் படத்தின் மீதான எதிர்பார்ப்பு அதிகரித்துள்ளது.