Lal Salaam Box Office Collection Day 4 - Platform Tamil
Google News Feed
News

Lal Salaam Box Office Collection Day 4 : லால் சலாம் படத்தின் 4 ஆவது நாள் வசூல்

ஐஸ்வர்யா இயக்கத்தில் விஷ்ணு விஷால், விக்ராந்த், ரஜினிகாந்த், செந்தில் உள்ளிட்டோர் நடித்துள்ள லால் சலாம் திரைப்படம் கடந்த 9ம் தேதி திரையரங்குகளில் வெளியானது. பெரும் எதிர்பார்ப்புடன் படம் பார்க்க சென்ற ரசிகர்களை லால் சலாம் திருப்திபடுத்தவில்லை. இதனால் வசூல் பலத்த அடிபட்டுள்ளது. இந்நிலையில் நேற்று நான்காவது நாளாக லால் சலாம் படத்தின் பாக்ஸ் ஆபிஸ் வசூல் (Lal Salaam Box Office Collection Day 4) குறித்த தகவல் வெளியாகியுள்ளது. ரஜினிகாந்தின் மூத்த மகள் ஐஸ்வர்யா 3 படத்தின் மூலம் இயக்குநராக அறிமுகமானார். படம் மிதமான வரவேற்பைப் பெற்றது. அவரது அடுத்த படமான வை ராஜா வை படமும் வரவேற்பை பெறவில்லை. சில வருடங்கள் படத் தயாரிப்பில் இருந்து ஒதுங்கிய ஐஸ்வர்யா தற்போது லால் சலாம் படத்தை இயக்கியுள்ளார். லைகா நிறுவனம் தயாரித்துள்ள இப்படத்திற்கு ஏ.ஆர்.ரகுமான் இசையமைத்துள்ளார்.

படத்தின் விமர்சனம் :

ரஜினிகாந்த் படத்தில் நடித்திருப்பதால் படத்திற்கு முதல் நாளே திரையரங்கில் ரசிகர்கள் கூட்டம் அலைமோதியது. அப்படி சென்ற ரசிகர்களுக்கு படம் சரியான திருப்தியை கொடுக்கவில்லை. கிரிக்கெட் மற்றும் மதம் சார்ந்த படம் பார்த்த ரசிகர்கள் மேக்கிங் வரவில்லை, திரைக்கதையும் வரவில்லை. லைக்கா ஐஸ்வர்யாவை நம்பி பணத்தை முதலீடு செய்தது எப்படி என்று சமூக வலைதளங்களில் வெளிப்படையாகப் பேச ஆரம்பித்தனர். அதேபோல ரஜினிகாந்தின் நடிப்பும் சரியில்லை என கூறும் ரசிகர்கள் படத்தில் ஒரு காட்சியின் போது அவர் அழும் வீடியோவை சமூக வலைதளங்களில் பகிர்ந்து , ‘எங்க தலைவர என்னய்யா பண்ணி வெச்சிருக்கீங்க’ என கமெண்ட்ஸ் செய்து வருகின்றனர்.  அதுமட்டுமின்றி லால் சலாம் படத்தில் நடிப்பது போன்ற ஆபத்தில் இருந்து வெளியேற வேண்டும் என்றும் கூறி வருகின்றனர்.

Lal Salaam Box Office Collection Day 4 :

இப்படி விமர்சன ரீதியாக பலத்த அடிவாங்கிய லால் சலாம் படக்குழுவினருக்கு சற்று ஆறுதல் அளிக்கும் என்று ரசிகர்கள் எதிர்பார்த்தனர். ஆனால் வசூலிலும் கடும் சரிவு ஏற்பட்டுள்ளது. அதன்படி, படம் வெளியான முதல் நாளில் ரூ.3.55 கோடி மட்டுமே வசூலித்துள்ளது. இது படக்குழுவினருக்கு பெரும் அதிர்ச்சியை ஏற்படுத்தியது. இரண்டாவது நாளில் ரூ.3.25 கோடி வசூலித்ததாக பாக்ஸ் ஆபிஸ் வட்டாரங்கள் தெரிவிக்கின்றன.

முதல் இரண்டு நாட்களில் நிலைமை மோசமாகி, மூன்றாம் நாள் நிலைமையோ மேலும் கீழே சென்றது. அதன்படி மூன்றாவது 3 கோடி ரூபாய் வசூலித்ததாக கூறப்பட்டது. இந்நிலையில் நான்காம் நாள் வசூல் குறித்த தகவல் (Lal Salaam Box Office Collection Day 4) வெளியாகியுள்ளது. வார இறுதி நாட்களிலேயே வழக்கமான வசூல் இல்லாததால், வாரத்தின் வேலை நாளான திங்கட்கிழமை படத்தின் கதி என்னவாகும் என்ற அச்சம் நிலவியது. எதிர்பார்த்தது போலவே நான்காவது நாளில் பலத்த அடி வாங்கியது. இப்படம் 1 கோடி ரூபாய் மட்டுமே வசூலித்துள்ளதாக கூறப்படுகிறது. ரிலீஸ் ஆகி நான்கு நாட்கள் ஆன நிலையில் லால் சலாம் சமாதிக்கு சென்றது உறுதி என்று கூறி வருகின்றனர்.

Latest Slideshows

Leave a Reply