Life2vec : மனிதர்களின் மரணத்தை 78% துல்லியமாக கணிக்கும் AI அடிப்படையிலான இறப்பு கால்குலேட்டரை கண்டுபிடித்துள்ளனர்

மரணத்தை கணிக்கும் பல தொழில்நுட்பங்கள் இருந்தாலும் நம்முடைய வாழ்க்கையில் அன்றாடம் நடக்கும் நிகழ்வுகளை வைத்தே நம் மரணம் எப்போது என கணிக்கும் புதியவகை AI தொழில்நுட்பம் (Life2vec) கண்டுபிடிக்கப்பட்டுள்ளது. செயற்கை நுண்ணறிவான (AI) ஆனது கண்டுபிடிக்கப்பட்ட குறுகிய காலத்திலேயே மனிதர்கள் பயன்படுத்தும் முக்கியமான வேலைகளின் ஒரு பகுதியாக மாறிவருகிறது. அதன் அடுத்த கட்டமாக  மரணத்தை கணிக்கும் AI தொழில்நுட்பங்கள் 2023-ம் ஆண்டின் பரபரப்பான விஷயமாக மாறியுள்ளது. AI எப்படி கடந்து வந்துகொண்டிருக்கிறது எந்தெந்த வழிகளில் எல்லாம் முன்னேற்றம் அடைந்து வருகிறது என்பதை நாம் தொடர்ந்து பார்த்துவருகிறோம். அதன்முன்னேற்றத்தில் குறிப்பிடத்தக்க ஒன்றாக இருப்பது ChatGPT.

செயற்கை நுண்ணறிவின் அடுத்த​க்கட்ட முயற்சியாக டென்மார்க்கின் தொழில்நுட்ப பல்கலைக்கழகத்தின் (DTU) ஆராய்ச்சியாளர்கள் மனிதர்களின் மரணத்தை முன்கூட்டியே கணிக்கும் AI அடிப்படையிலான இறப்பு கால்குலேட்டரை (Life2vec) கண்டுபிடித்துள்ளனர். மேலும் தனிநபர்களின் ஆயுட்காலத்தை முன்கூட்டியே கணிப்பதில் அதிக துல்லிய தன்மை கொண்டதாக இருக்கிறது. மேலும் மற்ற AI மாடல்களைப் போலல்லாமல் அடுத்து என்ன வரப்போகிறது என்பதை நம் அன்றாட வாழ்க்கையில் ஏற்கனவே நடைபெற்ற விவரங்களைப் பயன்படுத்தி சரியாக கணிக்கிறது. டென்மார்க்கின் தொழில்நுட்ப பல்கலைக்கழக (DTU) ஆராய்ச்சியாளர்கள் கண்டுபிடித்திருக்கும் இந்த AI இறப்பு கால்குலேட்டரின் பெயர் Life2vec. இந்த புதிய ஆராய்ச்சியை அவர்கள் ‘மனித வாழ்க்கையை கணிக்க அவர்களுடைய வாழ்க்கை நிகழ்வுகளின் வரிசையைப் பயன்படுத்துதல்’ என்ற தலைப்பில் செய்துள்ளனர்.

Life2vec எனப்படும் மாதிரியானது மற்ற AI தொழில்நுட்பங்களை போல் இல்லாமல் 78% சதவிகிதம் துல்லியமாக மரணத்தை முன்கூட்டியே கணிக்கிறது. ஒருவர் வாழ்க்கையில் அடுத்து என்ன நடக்கப்போகிறது என்பதைக் கணிக்க இந்த தொழில்நுட்பம் எடுத்துக்கொள்ளும் விசயங்கள் தான் புதிதாக இருக்கிறது. இந்த தொழில்நுட்பம் நம் மரணத்தை கணிப்பதற்கு நம்முடைய வாழ்வின் அடிப்படையாக இருக்கும் வருமானம், தொழில், குடியிருப்பு மற்றும் உடல்ரீதியான பிரச்சனைகள் போன்ற  விவரங்களை சேகரித்து மரணத்தை கணக்கிடுகிறது.