Lifetime Achievement Award For Ratan Tata : Ratan Tata-வுக்கு Amenity Lifeline Emergency Response Team வாழ்க்கை சாதனை விருதை வழங்குகிறது

ரத்தன் டாடா 1937-ல் பம்பாயில் ஒரு பார்சி குடும்பத்தில் நேவல் டாடாவின் மகனாகப் பிறந்தார். அவரது பாட்டியார் ரத்தனையும் அவரது சகோதரரையும் வளர்த்தார். அவரது குழந்தைப்பருவம் இடர்ப்பாடுகள் நிறைந்ததாக இருந்தது. மும்பையில் உள்ள கேம்பியன் பள்ளியில் 8ம் வகுப்பு வரை படித்தார். அவர் தொடர்ந்து மும்பையில் உள்ள கதீட்ரல் மற்றும் ஜான் கானான் பள்ளி, சிம்லாவில் உள்ள பிஷப் காட்டன் பள்ளி மற்றும் நியூயார்க் நகரத்தில் உள்ள ரிவர்டேல் கண்ட்ரி பள்ளியில் பயின்று 1955-ல் பட்டம் பெற்ற பிறகு, டாட்டா கார்னெல் பல்கலைக்கழகத்தில் சேர்ந்து 1959-ல் கட்டிடக்கலையில் இளங்கலைப் பட்டம் பெற்றார்.

ஜே.ஆர்.டி.டாட்டாவின் அறிவுரையின்படி, IBM நிறுவனத்தில் கிடைத்த வேலையை உதறி விட்டு இவர் 1962 ஆம் ஆண்டு டிசம்பர் மாதம் டாட்டா குழுமத்தில் சேர்ந்தார். இவர் முதலில் டாட்டா ஸ்டீல் நிறுவனத்தில் பணியாற்ற ஜாம்ஷெட்பூருக்கு சென்று பிற உடலுழைப்புப் பணியாளர்களுடன் (Blue-Collar Employees) சேர்ந்து சுண்ணாம்புக்கல் வாருதல் மற்றும் சூளைகளைக் கையாளும் பணிகளைச் செய்தார்.

1975 ஆம் ஆண்டில், ஆர்வார்டு வணிகப்பள்ளியில் ஏழு வார மேம்பட்ட மேலாண்மை திட்டத்தில் கலந்து கொண்டார். 1990 முதல் 2012 வரை டாடா குழுமம் என்ற பெரிய நிறுவனத்தின் தலைவராக நீண்ட காலம் இருந்தார். அக்டோபர் 2016 முதல் பிப்ரவரி 2017 வரை அதன் இடைக்காலத் தலைவராகவும் பணியாற்றி உள்ளார். இந்தியக் குடிமகனுக்கான மூன்றாவது மிக உயரிய விருதான பத்ம பூஷன் விருதை 2000 ஆம் ஆண்டில் பெற்றார். பின்னர் 2008 ஆம் ஆண்டில், இரண்டாவது உயர்ந்த குடிமகன் விருதான பத்ம விபூஷன் விருதை பெற்றார். இவர் ஒரு திறமையான விமானி ஆவார். இவர் 2007-ல் F-16 ஃபால்கன் விமானத்தை இயக்கிய முதல் இந்தியர் ஆவார்.