Maha Shivaratri 2025 : மகா சிவராத்திரி வரலாறும் கொண்டாட்டமும்

இந்து புராணங்களின்படி மகா சிவராத்திரியை கொண்டாடுவதற்கு பல காரணங்கள் உள்ளன. இந்த மகா சிவராத்திரி நாளில் சிவனும், பார்வதியும் திருமணம் செய்துகொண்டதாக நம்பப்படுகிறது. எனவே இந்த திருமண நாளை கொண்டாட ஒவ்வொரு ஆண்டும் (Maha Shivaratri 2025) இந்த நாள் அனுசரிக்கப்படுகிறது. மேலும் மற்றொரு புராணக்கதை சிவராத்திரி என்பது சிவன் மற்றும் சக்தியின் இரவு என்றும் இது சாராம்சத்தில் இந்த உலகை சமநிலைப்படுத்தும் ஆண்பால் மற்றும் பெண்பால் ஆற்றலை குறிப்பதாகவும், பாற்கடலை தேவர்களும், அசுரர்களும் இணைந்து கடைந்தபோது கடலில் இருந்து வெளியேறிய ஆலகால விஷத்தை சிவபெருமான் குடித்து உலகை இருளிலிருந்து பாதுகாத்த நாளே மகா சிவராத்திரியாக அனுசரிக்கப்படுகிறது என்று கூறுகிறது. மேலும் இந்த விஷம் சிவபெருமானின் தொண்டையில் சேமிக்கப்பட்டு நீல நிறமாக மாறியதாகவும், அதனால்தான் சிவன் ‘நீலகண்டர்’ என அழைக்கப்படுவதாகவும் கூறுகிறது.