Man Of The Tournament : தொடர் நாயகன் விருது | விராட் கோலி அபாரம்

சச்சின் சொன்னது போலவே இந்தியாவின் நட்சத்திர வீரர் விராட் கோலி (Man Of The Tournament) ஒவ்வொரு சாதனையையும் முறியடித்து வருகிறார். சமீபத்தில் சச்சின் டெண்டுல்கரின் சாதனையை முறியடித்த விராட் கோலி, உலகக் கோப்பை கிரிக்கெட் வரலாற்றில் அதிக ரன் குவித்த வீரர் என்ற சாதனையை படைத்தார். இந்த உலக கோப்பை கிரிக்கெட் தொடரில் மட்டும் விராட் கோலி 3 சதங்கள், 6 அரைசதங்கள் என மொத்தம் 765 ரன்கள் குவித்துள்ளார். இதன் மூலம் உலக கோப்பை தொடரில் விராட் கோலி தொடர் நாயகன் விருதை (Man Of The Tournament) வென்றார். ஏற்கனவே 2 டி20 உலக கோப்பை தொடரில் அதிக ரன்கள் குவித்து தொடர் நாயகன் விருதை வென்ற விராட் கோலி, ஐசிசி தொடரில் மூன்றாவது முறையாக தொடர் நாயகன் விருதை வென்று சாதனை படைத்தார்.

இந்த நிலையில், உலக கோப்பை கிரிக்கெட் தொடரில் தொடர் நாயகன் விருதை வென்று சச்சின் டெண்டுல்கரின் மற்றொரு சாதனையை விராட் கோலி முறியடித்துள்ளார். இதுவரை 183 சர்வதேச கிரிக்கெட் தொடர்களில் விளையாடியுள்ள சச்சின் டெண்டுல்கர், 20 முறை தொடர் நாயகன் விருதை வென்றுள்ளார். அதேபோல், 157 சர்வதேச கிரிக்கெட் தொடர்களில் விளையாடியுள்ள விராட் கோலி, 21வது முறையாக தொடர் நாயகன் விருதை வென்றுள்ளார். சர்வதேச கிரிக்கெட்டில் 21 முறை ஆட்ட நாயகன் விருதை வென்ற முதல் வீரர் என்ற பெருமையை விராட் கோலி பெற்றுள்ளார். உலகக் கோப்பை தொடரில் தோல்வியடைந்தாலும், விராட் கோலியின் பல சாதனைகள் அவரது ரசிகர்களுக்கு ஆறுதல் அளித்துள்ளது.