Marakkuma Nenjam Movie Review : மறக்குமா நெஞ்சம் படத்தின் திரை விமர்சனம்

பள்ளிப் பருவத்தில் கதாநாயகன் ரக்ஷன் கதாநாயகி பிரியதர்ஷினியை ஒருதலையாக காதலித்து வருகிறார். தனது காதலை இப்போ சொல்லிவிடுவேன், நாளை சொல்லிவிடுவேன் என பள்ளி முடியும் வரை பிரியதர்ஷினியிடம் தனது காதலை சொல்லாமலே போய் விடுகிறார் ரக்ஷன். கன்னியாகுமரி மாவட்டத்தில் உள்ள தனியார் பள்ளியில் 2008 ஆண்டு பிளஸ் 2 தேர்வில் தேர்ச்சி பெற்றவர்கள் படித்துவிட்டு வேலைக்கு செல்கின்றனர். தேர்வில் முறைகேடு வழக்கில் 10 ஆண்டுகளுக்கு பிறகு தீர்ப்பு வழங்கப்படுகிறது. 2008ல் எழுதிய தேர்வு செல்லாது, எனவே மாணவர்கள் மீண்டும் தேர்வெழுத வேண்டும் என நீதிமன்றம் உத்தரவிட்டுள்ளது. அதன்பின், மாணவர்கள் மீண்டும் தேர்வு எழுத பள்ளிக்கு திரும்புகின்றனர். வேலை, வீடு என எல்லாத்தையும் விட்டு விட்டு மூன்று மாதங்கள் பள்ளியில் படித்துவிட்டு தேர்வு எழுதச் செல்கிறார்கள்.

பள்ளியில் படிக்கும் போது கார்த்திக் (ரக்ஷன்) பிரியதர்ஷினியை (மலினா) காதலிக்கிறான். ஆனால் காதலை சொல்லவில்லை. 10 வருடங்களாக பிரியதர்ஷினியை நினைத்துக் கொண்டிருக்கிறார். இதையடுத்து மீண்டும் தேர்வு எழுத செல்லும் போது தன் காதலை சொல்ல வேண்டும் என ஹீரோ கார்த்திக் முடிவு செய்கிறார். தாங்கள் படித்த பள்ளிக்கே திரும்பிச் செல்ல வேண்டும் என்ற ஏக்கத்தில் இப்படியொரு அரிய வாய்ப்பு கிடைத்ததில் மகிழ்ச்சி அடைந்துள்ளனர். பிரியதர்ஷினியிடம் கார்த்திக் தன் காதலை சொன்னாரா? தேர்வு என்ன ஆனது என்பதே படத்தின் கதையாகும்.