Mari Selvaraj Join With Karthi : மாரி செல்வராஜ் உடன் கைகோர்க்கும் கார்த்தி

பிரபல தயாரிப்பு நிறுவனமான பிரின்ஸ் பிக்சர்ஸ் நிறுவனம் பல்வேறு வெற்றிப் படங்களை கொடுத்து நல்ல இயக்குநர்களை அடையாளப்படுத்தி வருகிறது. முன்னதாக கார்த்தி நடித்த தேவ், சர்தார் போன்ற படங்களை இந்நிறுவனம் தயாரித்துள்ளது. ஹரிஷ் கல்யாண் நடிப்பில் சமீபத்தில் வெளியான லப்பர் பந்து திரைப்படத்தையும் பிரின்ஸ் பிக்சர்ஸ் நிறுவனம் தயாரித்துள்ளது. அடுத்ததாக கார்த்தி நடித்து வரும் சர்தார் 2 படத்தையும் தயாரித்து வருகிறது. இந்த நிலையில் மாரி செல்வராஜ் இயக்கும் படத்தில் கார்த்தி நடிக்க உள்ளதாக தயாரிப்பாளர் லக்ஷ்மன் கூறியுள்ளார்.

அவர் அளித்த பேட்டியில் எங்களுடைய அடுத்த படம் கார்த்தியுடன் தான். மாரி செல்வராஜ் இந்த படத்தை இயக்க இருக்கிறார். இது ஒரு சுவாரசியமான படமாகும். இந்த படத்திற்கான கதை பற்றி பேசும்போதே கார்த்தி பண்ணலாம் என சொன்னார். கார்த்தியின் ஷெட்யூல் பொறுத்து படத்தை தொடங்க இருக்கிறோம் என அவர் தெரிவித்துள்ளார். கிராமத்து கதை என்றாலே கார்த்தி அதே போன்ற அவதாரம் எடுக்கக்கூடியவர். கார்த்தி நடிப்பில் சமீபத்தில் வெளியான மெய்யழகன் படத்தில் அபாரமான நடிப்ப வெளிப்படுத்தி உள்ளார்.