Michael Clarke : லாராவின் சாதனையை ஸ்டீவன் ஸ்மித் நிச்சயம் முறியடிப்பார்

சிட்னி :

டெஸ்ட் கிரிக்கெட்டில் ஒரே இன்னிங்சில் 400 ரன்கள் குவித்த பிரையன் லாராவின் சாதனையை இன்று வரை யாரும் முறியடிக்கவில்லை. இது கிரிக்கெட்டின் இமாலய சாதனையாக பார்க்கப்படுகிறது.

பிரையன் லாரா :

பிரையன் லாரா 2004-ல் இங்கிலாந்துக்கு எதிராக 400 ரன்கள் எடுத்தார். கிட்டத்தட்ட 20 ஆண்டுகளுக்குப் பிறகு, அந்த சாதனையை எந்த வீரரும் முறியடிக்கவில்லை. ஒரு ஆஸ்திரேலிய வீரரால் அதை உடைக்க முடியும் என்று ஆஸ்திரேலிய முன்னாள் கேப்டன் Michael Clarke கூறியுள்ளார். ஆஸ்திரேலிய டெஸ்ட் அணியில் தற்போது பெரும் விவாதம் நடந்து வருகிறது. அந்த அணியின் தொடக்க ஆட்டக்காரர் டேவிட் வார்னர் டெஸ்ட் போட்டிகளில் இருந்து ஓய்வு பெற்றார். இந்நிலையில் டெஸ்ட் அணியின் தொடக்க ஆட்டக்காரராக அடுத்து விளையாடுவது யார் என்ற கேள்வி எழுந்துள்ளது. ஆஸ்திரேலிய அணிக்கு எப்போதுமே தொடக்க பேட்ஸ்மேன் நிலை மிகவும் முக்கியமானது. அந்த இடத்தில் விளையாடிய சிலர் பெரிய ஜாம்பவான்களாகிவிட்டனர். மேத்யூ ஹைடன், ஆடம் கில்கிறிஸ்ட் மற்றும் டேவிட் வார்னர் ஆகியோர் தற்போது ஓய்வு பெற்றுள்ளனர்.

Michael Clarke :

அடுத்து தொடக்க வீரராக களமிறங்க தயார் என அந்த அணியின் மிடில் ஆர்டர் பேட்ஸ்மேன் ஸ்டீவ் ஸ்மித் தெரிவித்துள்ளார். தற்போது, ஸ்டீவ் ஸ்மித் உலகின் முதல் மூன்று டெஸ்ட் வீரர்களில் ஒருவராக உள்ளார். இந்த நிலையில் ஸ்டீவ் ஸ்மித் தொடக்க ஆட்டக்காரராக களமிறங்கினால் பிரையன் லாராவின் 400 ரன்கள் சாதனையை முறியடிப்பார் என Michael Clarke தெரிவித்துள்ளார். இது குறித்து கருத்து தெரிவித்துள்ள ஸ்டீவ் ஸ்மித் தொடக்க ஆட்டக்காரராக ஓப்பனிங் செய்யும் அளவுக்கு திறமையானவர். அதுதான் அவர் தேடும் சவால், அவர் ஓப்பனராக இருந்தால் இன்னும் ஒரு வருடத்தில் அவர் மிகச்சிறந்த ஓப்பனிங் பிளேயராக வருவார். லாராவின் சாதனை அவர் முறியடித்தாலும் ஆச்சரியப்படுவதற்கு ஒன்றுமில்லை. இவ்வாறு ஸ்மித்தை பற்றி Michael Clarke தெரிவித்துள்ளார்.