Most Searched Cricketer On Google In 2023 : Google-ல் அதிகம் தேடப்பட்ட கிரிக்கெட்டர் விராட் கோலி

இந்தியாவின் டெல்லியில் நவம்பர் 5, 1988 இல் விராட் கோலி பிறந்தார். தனது இளம் வயதிலேயே கிரிக்கெட் விளையாடத் தொடங்கிய விராட் கோலி 18 வயதில் டெல்லி அணிக்காக உள்நாட்டு கிரிக்கெட்டில் அறிமுகமானார். விராட் கோலியின் மனைவி அனுஷ்கா ஷர்மா ஒரு வெற்றிகரமான பாலிவுட் நடிகை ஆவார். இந்தியாவில் மிகவும் பிரபலமான ஜோடிகளில் ஒன்றாக கருதப்படும் விராட் கோலி-அனுஷ்கா சர்மா 2013 இல் சந்தித்து 2017 இல் திருமணம் செய்து கொண்டனர். இந்தியாவில் 19 வயதுக்குட்பட்டோருக்கான உலகக் கோப்பை தொடருக்கான அணிக்கு கேப்டனாக செயல்பட்ட விராட் கோலி, அதன் பிறகு இந்திய அணிக்கு கேப்டனாக பல சாதனைகளை பெற்றுள்ளார். ராயல் சேலஞ்சர்ஸ் பெங்களூரு அணிக்காக IPL தொடரில் 16 ஆண்டுகளாக விளையாடியுள்ளார்.

இலங்கைக்கு எதிரான 2008 ஆம் ஆண்டு ஒருநாள் கிரிக்கெட் போட்டியின் மூலமாக இந்திய அணியில் அறிமுகமானார். 292 ஒருநாள் போட்டிகளில் விளையாடி தற்போது வரையில் 13,848 ரன்கள் குவித்துள்ளார். இதில் விராட் கோலி 50 சதமும், 72 அரைசதமும் பெற்றுள்ளார். நடந்து முடிந்த சமீபத்திய ஒருநாள் கிரிக்கெட் உலகக் கோப்பையில் 50ஆவது சதம் அடித்து சச்சின் டெண்டுல்கரின் சாதனையை முறியடித்துள்ளார். அதுமட்டுமின்றி, 765 ரன்கள் குவித்து ஒரு தொடரில் அதிக ரன்கள் குவித்த வீரர் என்ற சாதனையையும் இந்த தொடரில் பெற்றுள்ளார்.