Most Sixes In IPL Season : அதிக சிக்ஸர்கள் அடித்த ஐபிஎல் தொடர்

2024 ஐபிஎல்லில் வெறும் 17 ஆட்டங்களில் 300 சிக்ஸர்களுடன், மீதமுள்ள 53 லீக் போட்டிகள் மற்றும் பிளே-ஆஃப் சுற்று இறுதிப் போட்டியில் சிக்ஸர்களின் முந்தைய சாதனையை முறியடிக்க அதிக வாய்ப்பு உள்ளது. 2024 ஐபிஎல் தொடரில் அதிக சிக்ஸர்களுக்கு இரண்டு போட்டிகளே காரணம். இதில் முக்கியமான போட்டி ஹைதராபாத் சன்ரைசர்ஸ் மற்றும் மும்பை இந்தியன்ஸ் அணிகள் விளையாடிய போட்டிதான். இந்தப் போட்டியில் சன்ரைசர்ஸ் அணி 277 ரன்கள் குவித்தது. மும்பை அணி 246 ரன்கள் எடுத்தது. ஐபிஎல் வரலாற்றில் 500 ரன்களைக் கடந்த முதல் போட்டி இதுவாகும். இந்தப் போட்டியில் இரு அணிகளும் 38 சிக்ஸர்களை அடித்துள்ளன. டெல்லி கேப்பிடல்ஸுக்கு எதிரான அடுத்த போட்டியில் கொல்கத்தா நைட் ரைடர்ஸ் 272 ரன்கள் எடுத்தது. அப்போது கொல்கத்தா அணி 18 சிக்ஸர்களை அடித்திருந்தது. அடுத்து களமிறங்கிய டெல்லி அணி 10 சிக்ஸர்களை அடித்தது. அதே போல் இனி வரும் போட்டிகளிலும் ஸ்கோர் 200 ரன்களை தாண்டினால் அதிக சிக்ஸர்கள் அடிக்கப்படும்.