New Parliament Inauguration: வரலாற்று சிறப்பு மிக்க புதிய பார்லிமென்ட் கட்டட திறப்பு விழா
பிரதமர் நரேந்திர மோடி புதிய பாராளுமன்ற கட்டிடத்தை மே 28-ம் தேதி திறந்து வைக்கிறார். தற்போது உள்ள 100 ஆண்டுகள் பழமையான கட்டிடத்திற்கு பதிலாக புதிய கட்டிடம் உறுப்பினர்கள் தங்கள் செயல்பாடுகளை சிறப்பாக செய்ய அதிநவீன வசதிகளுடன் அமைக்கப்பட்டுள்ளது.
தற்போது உள்ள 100 ஆண்டுகள் பழமையான கட்டிடத்தில், மக்களவையில் 543 உறுப்பினர்களும், ராஜ்யசபாவில் 250 உறுப்பினர்களும் மட்டுமே அமர்வதற்கான ஏற்பாடு உள்ளது. மேலும் எம்.பி.க்கள் அமர்வதற்கான இடவசதி மற்றும் வசதியான ஏற்பாடுகள் இல்லை. எனவே புதிய கட்டடம் கட்ட அரசை வலியுறுத்தி, லோக்சபா மற்றும் ராஜ்யசபா ஆகிய இரு அவைகளிலும் தீர்மானங்கள் நிறைவேற்றப்பட்டன. கடந்த 2020 ஆம் ஆண்டு பிரதமர் நரேந்திர மோடியால் புதிய பாராளுமன்ற கட்டிடம் கட்ட அடிக்கல் நாட்டப்பட்டது.
புதிதாக கட்டப்பட்ட கட்டிடம், இந்தியாவின் புகழ்பெற்ற ஜனநாயக மரபுகள் மற்றும் அரசியலமைப்பு விழுமியங்களை மேலும் செழுமைப்படுத்த அதிநவீன வசதிகளுடன் உறுப்பினர்கள் தங்கள் செயல்பாடுகளை சிறப்பாக வேலை செய்ய அமைக்கப்பட்டுள்ளது.
புதிதாக கட்டப்பட்டுள்ள பார்லிமென்ட் கட்டடத்தில் எதிர்கால தேவைகளை கருத்தில் கொண்டு மக்களவையில் 888 உறுப்பினர்களும், ராஜ்யசபாவில் 384 உறுப்பினர்களும் பங்கேற்க ஏற்பாடுகள் செய்யப்பட்டுள்ளன. புதிய பாராளுமன்ற கட்டிட லோக்சபா சேம்பரில் இரு அவைகளின் கூட்டுக் கூட்டத்தொடர் நடைபெறும். 28.05.2023 ஞாயிற்றுக்கிழமை அன்று நடைபெற இருக்கும் புதிய பாராளுமன்ற கட்டிட திறப்பு விழாவில் 25 கட்சிகள் பங்கேற்பார்கள் என்று எதிர்பார்க்கப்படுகிறது, இருப்பினும் இந்த நிகழ்வை 20 எதிர்க்கட்சிகள் புறக்கணிக்க முடிவு செய்துள்ளன.
புதிய நாடாளுமன்றக் கட்டிடத்தைத் திறந்து வைக்கும் பிரதமர் மோடியின் முடிவுக்கு தங்கள் அதிருப்தியை எதிர்க்கட்சிகள் வெளிப்படுத்தியுள்ளன. ஜனநாயகத்தின் ஆன்மா உறிஞ்சப்பட்டுவிட்ட நிலையில் புதிய கட்டிட திறப்பு விழாவை புறக்கணிக்கப் போவதாக காங்கிரஸ், ஆம் ஆத்மி, இடதுசாரிகள், திரிணாமுல், சமாஜ்வாடி உள்ளிட்ட கட்சிகள் அறிவித்துள்ளன.
பாஜக உட்பட ஆளும் தேசிய ஜனநாயகக் கூட்டணியின் (NDA) 18 உறுப்பினர்களைத் தவிர, பகுஜன் சமாஜ் கட்சி, சிரோமணி அகாலி தளம், ஜனதா தளம் (மதச்சார்பற்ற), லோக் ஜனசக்தி கட்சி (ராம் விலாஸ்), ஒய்எஸ்ஆர் காங்கிரஸ், பிஜேடி மற்றும் தெலுங்கு தேசம் ஆகிய ஏழு என்டிஏ அல்லாத கட்சிகள் இந்த நிகழ்வில் பங்கேற்கும் என எதிர்பார்க்கப்படுகிறது.
New Parliament Inauguration சிறப்பு ₹75 நாணயம்
- நிதியமைச்சகம் புதிய பாராளுமன்ற கட்டிட திறப்பு விழாவை நினைவுகூரும் வகையில் இந்த ₹75 நினைவு நாணயம் வெளியிடப்படும் என தெரிவித்துள்ளது.
- மேலும் இந்த ₹75 நினைவு நாணயம் 75வது சுதந்திர தினத்தை கொண்டாடும் இந்தியாவுக்கு அஞ்சலி செலுத்தும் வகையில் பிரதமர் நரேந்திர மோடியால் ஞாயிற்றுக்கிழமை வெளியிடப்படும்.
- ₹75 நினைவு நாணயத்தில் புதிய கட்டிடத்தின் படத்துடன் ‘நாடாளுமன்ற வளாகம்’ என்ற வாசகம் இருக்கும்.
- 35 கிராம் எடை, 44 மில்லிமீட்டர் விட்டம் மற்றும் விளிம்புகளில் 200 வரிசைகளுடன் வட்ட வடிவில் 50% வெள்ளி, 40% தாமிரம், 5% நிக்கல் மற்றும் 5% துத்தநாகம் உலோக கலவை அடங்கிய குவாட்டர்னரி அலாய் பதிப்பில் புதிய நாணயம் இருக்கும்.
- இந்த ₹75 நினைவு நாணயத்தில் பாராளுமன்ற வளாகம் மற்றும் புதிய பாராளுமன்ற கட்டிடத்தின் உருவம் ஆனது பொறிக்கப்பட்டிருக்கும். சர்வதேச எண்களில் “2023” ஆண்டு பாராளுமன்ற வளாகத்தின் படத்திற்கு கீழே பொறிக்கப்படும்.
- அசோக தூணின் சிங்க தலை நாணயத்தின் ஒரு பக்கத்திலும் “சத்யமேவ் ஜெயதே” என்ற வாசகம் அதன் கீழே இருக்கும். “பாரத்” என்ற வார்த்தை இடது பக்கத்தில் தேவநாகரி எழுத்திலும், “இந்தியா” என்று வலதுபுறத்தில் ஆங்கிலத்திலும் எழுதப்பட்டிருக்கும்.
- சட்டப்பூர்வமானதாக நினைவு நாணயங்கள் கருதப்பட்டாலும், அவை பொதுவான புழக்கத்திற்கு வெளியிடப்படுவதில்லை. குறிப்பிட்ட ஏஜென்சிகளில் இருந்து நினைவு நாணயங்களை பெறலாம்.
'செங்கோல்' பற்றிய முக்கிய குறிப்புகள்
- பிரதமர் மோடி புதிய பார்லிமென்ட் கட்டடத்தில் ‘செங்கோல்’ என்ற சடங்கு செங்கோலையும் நிறுவுகிறார்.
- ‘செங்கோல்’ நமது தேசத்தின் வரலாற்றில் முக்கிய பங்கு வகித்துள்ளது என்று அமித் ஷா கூறினார்.
- ஆகஸ்ட் 1947 இல் முதல் பிரதமர் ஜவஹர்லால் நேருவுக்கு ‘செங்கோல்’ அதிகார பரிமாற்றத்தின் அடையாளமாக வழங்கப்பட்டது.
- இந்தியர்களுக்கு ஆங்கிலேயர்களிடம் இருந்து அதிகாரம் மாற்றப்பட்டதைக் குறிக்கும் வகையில் இந்த செங்கோல் ஒப்படைக்கப்பட்டது.
- சோழ வம்சத்தின் கலைப்பொருளான தங்க செங்கோலை இந்தியா பெற்ற பிறகு அது ஊர்வலமாக அரசியலமைப்பு சபை மண்டபத்திற்கு கொண்டு செல்லப்பட்டது.
- செங்கோல் வழங்கப்பட்ட ஒரு நீதியான மற்றும் பாரபட்சமற்ற ஆட்சியை வழங்கும் என்று எதிர்பார்க்கப்படுகிறது.
- ஞாயிற்றுக்கிழமை புதிதாகக் கட்டப்பட்ட நாடாளுமன்றக் கட்டிடத்தைத் திறந்து வைக்கும் போது பிரதமர் நரேந்திர மோடி மக்களவை சபாநாயகர் இருக்கைக்குப் அருகில் ‘செங்கோல்’ வைப்பார்.
