News

OnePlus Nord 4 : ஒன்பிளஸ் நார்ட் 4 ஸ்மார்ட்ஃபோன் வெளியீட்டிற்கு முன்பே கசிந்த தகவல்

ஒன்பிளஸ் நிறுவனத்தின் OnePlus Nord 4 ஸ்மார்ட்போனின் பல்வேறு சிறப்பம்சங்கள் குறித்த தகவல்கள், ஃபோன் அறிமுகத்திற்கு முன்பே கசிந்துள்ளது.

ஒன்ப்பிளஸ் நார்ட் 4 ஸ்மார்ட்ஃபோன் :

ஒன்பிளஸ் நிறுவனம் தனது கோடை கால வெளியீட்டு விழா வரும் ஜூலை மாதம் 16 ஆம் தேதி நடைபெறும் என உறுதி செய்துள்ளது. இந்த நிகழ்வில் ஒன்ப்பிளஸ் நார்ட் 4 (OnePlus Nord 4) மாடல் ஸ்மார்ட்ஃபோன் அறிமுகம் செய்யப்படும் என எதிர்பார்க்கப்படுகிறது.

இந்த சூழலில் சுவாரசியமான விஷயம் என்னவென்றால், இந்தியாவில் இந்த ஸ்மார்ட்ஃபோனின் விலை மற்றும் அதன் பல்வேறு அம்சங்கள் குறித்த தகவல்கள் அறிமுகத்திற்கு முன்பே கசிந்துள்ளன. அந்த நிறுவனம் ‘நார்ட்’ என்ற பெயரில் ஒரு புகைப்படத்தை வெளியீடு செய்துள்ளது. எனவே புதிய போன் மலிவு விலை நார்ட்-வரிசையின் ஒரு பகுதியாக இருக்கும் என்பது தெளிவாகிறது.

வெளியீட்டு நிகழ்வுக்கு முன்னதாக, OnePlus Nord 4 விவரக்குறிப்புகள், புகைப்படங்கள் மற்றும் விலை ஆகியவை இந்தியாவில் கசிந்துள்ளன. மெட்டல் கிளாஸ் யூனிபாடி டிசைனுடன் புதிய ஸ்மார்ட்ஃபோன் வெளியிடப்படும் என டிப்ஸ்டர் சஞ்சு சவுத்ரி தெரிவித்துள்ளார். கசிந்த ஹேண்ட்ஸ்-ஆன் படம், ஃபோன் பின்புற பேனலில் இரட்டை கேமரா அமைப்பைக் கொண்டிருக்கும் என்பதை உறுதிப்படுத்தியது.

OnePlus Nord 4 சிறப்பம்சங்கள் :

OnePlus ஸ்மார்ட்போனில் 6.74 இன்ச் OLED Tianma U8+ டிஸ்ப்ளே இருக்கும். டிஸ்ப்ளே 120Hz புதுப்பிப்பு வீதத்துடன் 1.5K தெளிவுத்திறனையும், அதிகபட்சம் 215 Units பிரைட்னசையும் வழங்குகிறது. இது குவால்காம் ஸ்னாப்டிராகன் 7+ ஜெனரல் 3 செயலி மற்றும் ஆண்ட்ராய்டு 14 அடிப்படையிலான ஆக்ஸிஜன் ஓஎஸ் 14 சாப்ட்வேர் ஸ்கீனைப் பெறும் என கூறப்படுகிறது. இந்த ஃபோன் 3 ஆண்டுகளுக்கு ஆண்ட்ராய்டு அப்டேட்களையும், 4 ஆண்டுகளுக்கு பாதுகாப்பு அப்டேட்களையும் பெறும். கேமரா வசதியைப் பற்றி பேசுகையில், பின்புற பேனலில் 50MP ப்ரைமரி சென்சார் மற்றும் 8MP IMX355 அல்ட்ராவைட் ஆங்கிள் கேமராவுடன் இரட்டை கேமரா அமைப்பு கிடைக்கிறது. செல்ஃபிகள் மற்றும் வீடியோ அழைப்புகளுக்கு, Nord 4ல் 16MP செல்ஃபி கேமரா உள்ளது. ஃபோனின் 5500mAh பேட்டரி 100W வேகமாக சார்ஜ் செய்யும் திறனைக் கொண்டுள்ளது.

ஒன்பிளஸ் நார்ட் 4-ன் விலை :

OnePlus Nord 4 இந்திய சந்தையில் ரூ.31,999 ஆரம்ப விலையில் வெளியிடப்படும் என்றும், Amazonல் கிடைக்கும் என்றும் தகவல் வெளியாகியுள்ளது. நிறுவனம் சமீபத்தில் Nord CE 4 Lite-ஐ ரூ.20,000 விலைப் பிரிவில் கொண்டு வந்ததால், வங்கிச் சலுகைகளுடன் கூடிய ஃபோனின் விலை சுமார் ரூ.30,000 விலையில் இருக்கும் என எதிர்பார்க்கப்படுகிறது.