Online Patta Transaction : இனி ஆன்லைன் மூலமாகவே பட்டா வாங்கலாம்

தமிழ்நாடு அரசு ஆனது நில மோசடிகளுக்கு முற்றுப்புள்ளி வைக்கும் விதமாக பல்வேறு நடவடிக்கைகளை எடுத்து வருகின்றது. அந்த வகையில் தற்போது தமிழ்நாடு அரசு ஆனது சர்வே எண்ணை வைத்து அந்த நிலம் யார் பெயரில் பதிவாகி உள்ளது, அந்த நிலம் எவ்வளவு பரப்பளவு கொண்டதாக இருக்கிறது மற்றும் நிலத்திற்கான வரைபடம் என அனைத்து விஷயங்களையும் மக்கள் ஈசியாக தெரிந்து கொள்ளும் வகையில் Online இணையதள வசதியை (Online Patta Transaction) ஏற்படுத்தி உள்ளது. பொதுவாக ஒரு நிலம் வாங்கும் முன்பே பிரச்சனைகள் எதுவும் இருக்கின்றதா என்பதை உறுதி செய்வது மிகவும் முக்கியம் ஆகும். நிலத்தில் முதலீடு செய்பவர்கள் பலரும் தங்கள் மொத்த வாழ்நாள் சேமிப்பை கொண்டு நிலத்தில் முதலீடு செய்வார்கள். அதனால் அவர்கள் காலி மனை வாங்கும்போது தாய்ப்பத்திரம் மற்றும் ஒரிஜினல் இருக்கிறதா என்று சரிபார்க்க வேண்டும். பட்டா இல்லாத எந்த நிலத்தையும் வாங்குவதை தவிர்க்க வேண்டும்.

தமிழ்நாடு அரசு பதிவுத்துறை ஆனது காலி மனை பத்திரங்களை பதிவு செய்வதற்காக, முறைப்படி கள ஆய்வு எதுவுமே மேற்கொள்வதில்லை. அதனால் சில சமயங்களில் காலி மனை என்று குறிப்பிட்டு தாக்கலாகும் பத்திரங்களிலும், கட்டிடங்கள் இருப்பது மறைக்கப்பட்டு இருக்கும். நாம் எந்த இடத்தை வாங்க முடிவு செய்தாலும், அந்த இடத்திற்கான 30 வருட வில்லங்க சான்றிதழை சரிப்பார்த்து வாங்க வேண்டும். குறிப்பிட்ட அந்த சொத்தின் உரிமையாளர் யார் என்பதை உறுதிப்படுத்தும் சான்றிதழ் இதுவாகும். மேலும் வாங்கப்போகும் நிலம், யார் வசம் இருந்து கைமாறி வந்துள்ளது, வாங்க நினைக்கும் காலி மனை ஆனது வாரிசு பெயரில் இருக்கிறதா மற்றும் வேறு யார் பெயரில் இருக்கிறதா என்ற அனைத்து விவரங்களையும் வில்லங்க சான்றிதழ் மூலம் தெரிந்து கொள்ளலாம்.