Padma Bhushan Award To Captain Vijayakanth : விஜயகாந்துக்கு பத்ம பூஷன் விருது

நடிகர் சங்கத் தலைவராக தோன்றிய விஜயகாந்த், எதிர்க்கட்சித் தலைவராகவும் இருந்தவர் என்பது குறிப்பிடத்தக்கது. ஆனால் அதிமுகவுடன் ஏற்பட்ட மோதலுக்கு பிறகு சில எம்.எல்.ஏக்கள் தேமுதிகவிலிருந்து விலகினர். இதனால் மிகவும் மனமுடைந்த விஜயகாந்த் அன்றிலிருந்து மன உளைச்சலில் இருந்ததாக அவரது குடும்பத்தினர் கூறுவதுண்டு. மேலும் அந்த நேரத்திலிருந்து தான் அவருக்கு உடல் நலக்குறைவு ஏற்பட்டது. உடல்நிலை சரியில்லாததால் தீவிர அரசியலில் இருந்து ஒதுங்கி இருந்த அவர், எப்போதாவது மட்டுமே தனது ரசிகர்களை சந்திப்பதை வழக்கமாக கொண்டிருந்தார். இந்நிலையில் கடந்த மாதம் அவருக்கு மீண்டும் உடல் நலக்குறைவு ஏற்பட்டது. அதன்பின், மருத்துவமனையில் அனுமதிக்கப்பட்ட அவர் உயிரிழந்தார். அவரது மரணம் பல கோடிக்கணக்கான மக்களை சோகத்தில் ஆழ்த்தியது. பின்னர், அவரது உடல் முழு அரசு மரியாதையுடன் தேமுதிக அலுவலக வளாகத்தில் தகனம் செய்யப்பட்டது.