Pakistan Lost First T20 Match : ஷாகின் ஷா அப்ரிடி கேப்டனாக பொறுப்பேற்று முதல் போட்டியிலேயே தோல்வி

பாகிஸ்தான் அணியின் கேப்டனாக களமிறங்கிய ஷாஹீன் ஷா அப்ரிடி தனது முதல் போட்டியிலேயே சாதனை படைத்துள்ளார். பாகிஸ்தான் அணியின் முன்னணி வேகப்பந்து வீச்சாளர் ஷஹீன் ஷா அப்ரிடி சமீபத்தில் டி20 அணியின் கேப்டனாக நியமிக்கப்பட்டார். ஷஹீன் கேப்டனாக பதவியேற்ற பிறகு பாகிஸ்தான் அணி நியூசிலாந்துக்கு எதிரான முதல் டி20 போட்டியில் விளையாடியது. அந்த அணி முதல் போட்டியில் (Pakistan Lost First T20 Match) தோல்வியடைந்தது. கேப்டனாக முதல் தோல்வியைத் தவிர, ஷஹீன் ஷா அப்ரிடி தனிப்பட்ட பந்துவீச்சு தோல்வியையும் சந்தித்தார். பாகிஸ்தான் பீல்டர்கள் அவரை இரண்டு எளிய கேட்சுகள் மூலம் சோதித்தனர். ஒருபுறம் நியூசிலாந்து பேட்ஸ்மேன்களும் மறுபுறம் பாகிஸ்தான் பீல்டர்களும் என இரு தரப்பிலும் கேப்டன் அப்ரிடியை சோதித்தனர். இந்தப் போட்டியில் நியூசிலாந்து முதலில் பேட்டிங் செய்தது. முதல் ஓவரின் இரண்டாவது பந்திலேயே அணியின் அதிரடி தொடக்க ஆட்டக்காரர் டெவோன் கான்வேயின் விக்கெட்டை வீழ்த்தி ஷாஹீன் ஷா அப்ரிடி தனது கேப்டன்ஷிப்பை பிரமாண்டமாகத் தொடங்கினார். ஆனால், அதன்பிறகு அவர் வீசிய 3வது ஓவரில் மட்டும் 24 ரன்கள் குவிந்தது.

நியூசிலாந்தின் ஃபின் ஆலன், கேன் வில்லியம்சன், டேரில் மிட்செல், கிளென் பிலிப்ஸ், மார்க் சாப்மேன் ஆகியோர் அதிரடியாக விளையாடினர். பாகிஸ்தான் அணி நிலைகுலைந்தது. நியூசிலாந்து அணி 20 ஓவரில் 8 விக்கெட் இழப்புக்கு 226 ரன்கள் எடுத்தது. டி20 போட்டிகளில் பாகிஸ்தான் அணி விட்டுக் கொடுத்த அதிகபட்ச ரன் இதுவாகும். இந்த போட்டியில் பாகிஸ்தான் அதிக ரன்களை விட்டுக் கொடுத்ததற்கு முக்கிய காரணம், அதிக கேட்ச் வாய்ப்புகளை பாகிஸ்தான் பந்துவீச்சாளர்கள் தவறவிட்டதே. ஷஹீன் ஷா அப்ரிடி 4 ஓவர்களில் 46 ரன்கள் கொடுத்து 3 விக்கெட்டுகளை வீழ்த்தினார். அமீர் ஜமால் 4 ஓவர்களில் 55 ரன்களும், உசாமா மிர் 51 ரன்களும் விட்டுக்கொடுத்து ஏமாற்றம் அளித்தனர். அப்பாஸ் அப்ரிடி 4 ஓவர்களில் 34 ரன்கள் கொடுத்து 3 விக்கெட்டுகளை வீழ்த்தினார். ஹாரிஸ் ரவுப் 2 விக்கெட்டுகளை வீழ்த்தினார். அடுத்து களம் இறங்கிய பாகிஸ்தான் அணி 180 ரன்களுக்குள் அனைத்து விக்கெட்டுகளையும் இழந்தது. ஷஹீன் அப்ரிடி தலைமையிலான பாகிஸ்தான் முதல் போட்டியில் 46 ரன்கள் வித்தியாசத்தில் (Pakistan Lost First T20 Match) தோல்வியடைந்தது.