Pichaikkaran 2 Trailer: விஜய் ஆண்டனியின் பிச்சைக்காரன் 2 ட்ரைலர் வெளியீடு

இந்நிலையில் பிச்சைக்காரன் இரண்டாம் பாகம் 2020ல் உருவாக உள்ளதாக அறிவிக்கப்பட்டது. மேலும், இப்படத்தை சசியோ அல்லது வேறு எந்த இயக்குனர்களும் இயக்கப் போவதில்லை என்றும் விஜய் ஆண்டனியே இயக்குவார் என்ற தகவல் வெளியானதுடன் படப்பிடிப்பு தொடங்கி மலேசியாவில் நடத்தப்பட்டு வந்தது. இதில் காவ்யா தாப்பர், யோகிபாபு, மான்சூர் அலிகான், ஜான் விஜய், ஹரிஷ் பரேடி, ராதாரவி உள்ளிட்ட பலரும் முக்கிய கதாபாத்திரத்தில் நடித்துள்ளனர். இப்படத்தில் நடிப்பு, இயக்கம், இசை என பன்முக கலைனராக விஜய் ஆண்டனி உருவெடுத்துள்ளார். இந்நிலையில் இந்த படத்தின் டிரைலரில் விஜய் ஆண்டனி பிரபல தொழிலதிபர், குற்றவாளி, பக்திமான், தங்கையை பழிவாங்கும் படலம், விஜய் ஆண்டனியின் அசத்தலான தடதடக்கும் பின்னணி இசை ஆகியவை சுவாரஸ்யமூட்டும் வகையில் அமைந்துள்ளது.

இந்த ஆண்டின் தொடக்கத்தில் லங்காவி தீவில் நடந்த படப்பிடிப்பின் போது விஜய் ஆண்டனி விபத்துக்குள்ளாகி அவரது தாடை மற்றும் மூக்கு எலும்புகள் உடைந்து அவர் படுகாயமடைந்த நிலையில் தொடர்ந்து அவர் விபத்தில் இருந்து மீண்டு படப்பிடிப்பில் பங்கேற்றார். தொடர்ந்து படப்பிடிப்பு முடிந்து பிச்சைக்காரன் 2 படம் ஏப்ரல் 14-ம் தேதி வெளியாகும் என அறிவிக்கப்பட்ட நிலையில், படத்துக்கு தடை கோரி ராஜகணபதி சென்னை உயர்நீதிமன்றத்தில் வழக்கு தொடர்ந்தார். பிச்சைக்காரன் 2 தன் ஆய்வுக்கூட்டம் படத்தின் என்றும் தனக்கு 10 லட்சம் நஷ்ட ஈடு தரவேண்டும் என்று கூறியிருந்தது.