Pongal Festival 2025 : பொங்கல் பண்டிகையின் வரலாறும் & கொண்டாட்டமும்

சங்ககாலத்தில் அறுவடை சமயத்தில் மழை பெய்யவும், நாட்டின் வளம் நன்றாக செழிக்கவும் பெண்கள் 48 நாட்கள் விரதத்தை (நோன்பு) கடைப்பிடித்து தை முதல் நாளில் இந்த விரதத்தை முடிப்பார்கள். மழையின் உதவியால் உழவர்கள் ஆடி மாதத்தில் விதைத்ததை தை முதல் நாளில் தமது உழைப்பின் பயனை நுகரத் தொடங்கும் நாளே தைப்பொங்கலாகும். தமது உழைப்பிற்கு உதவிய இயற்கைக்கும், கால்நடைகளுக்கும் (Pongal Festival 2025) நன்றி தெரிவிக்கும் விதமாக தமிழ் மக்கள் சர்க்கரைப் பொங்கல் படைத்து வழிபட்டு வருகின்றனர். 

சங்க இலக்கியங்களில் தைப்பொங்கலை தையித் திங்கள் தண்ணிய தரினும் என்று குறுந்தொகையும், தையில் நீராடி தவம் தலைப்படுவாயோ என்று கலித்தொகையும், தைத் திங்கள் தங்கயம் போல் என்று புறநானுறும், தையித் திங்கள் தங்கயம் படியும் என்று நற்றிணையும், தையித் திங்கள் தங்கயம் போல என்று ஐங்குறுநூறும், தொல்காப்பியமும் தைப்பொங்கலின் சிறப்பினை குறிப்பிடுகிறது.