Raghu Thatha Trailer : ரகு தாத்தா திரைப்படத்தின் ட்ரெய்லர் வெளியீடு

ஒரு பொண்ணு மாதிரி எல்லாம் பண்ண முடியாது என்று தொடங்கும் ட்ரெய்லர் நம் கவனத்தை ஈர்க்கிறது. வீட்டிலேயே இருக்க வேண்டும் என்று அடக்குமுறை செய்யும் சமூகத்தில் தனக்கென ஒரு அடையாளத்தை உருவாக்கிக் கொள்ள துடிக்கும் கதாநாயகி கீர்த்தி சுரேஷ். பெண் என்பதால் சமூகம் எழுப்பும் கேள்விகளை தைரியமாக எதிர்கொள்ளும் கதாபாத்திரத்தில் கீர்த்தி நடித்திருப்பதை இந்த ட்ரெய்லரில் (Raghu Thatha Trailer) காணலாம். ஆனால் அவர் தனது லட்சியத்தை அடைய ஒரு சிக்கலை எதிர்கொள்கிறார்.

கீர்த்தி சுரேஷ் எதிர்கொள்ளும் சவாலே ரகு தாத்தா படத்தின் கதை ஆகும். படத்தில் நடித்துள்ள எம்.எஸ்.பாஸ்கர், ரவிந்திர விஜய், தேவதர்ஷினி மற்றும் ஆனந்த் சாமி ஆகியோரின் கதாபாத்திரம் ரசிகர்களை கவரும் வகையில் அமைந்துள்ளது. கன்னடத் திரைப்படத் தயாரிப்பு நிறுவனமான ஹாம்பேல் பிக்சர்ஸ் இந்தப் படத்தைத் தயாரித்துள்ளது, படத்தின் மீது கூடுதல் கவனத்தை ஈர்த்துள்ளது. முன்னதாக, இந்நிறுவனம் கேஜிஎஃப் மற்றும் காந்தாரா போன்ற பிரமாண்டமான படங்களை தயாரித்துள்ளது.