Rajinikanth Donates Ambulance: 8 லட்சம் மதிப்புள்ள ஆம்புலன்ஸ் வழங்கிய ரஜினி

நடிகர் ரஜினிகாந்த் அளித்த ஆம்புலன்சை பெற்றுக்கொண்ட மணிமாறன் கூறியதாவது, ஆதரவற்ற உடல்களை 21 ஆண்டுகளாக அடக்கம் செய்து வருகிறேன். வாடகை வேன்களில் உடல்களை ஏற்றிச் சென்றேன். இந்த நிலையில் எனது சேவையை அறிந்த நடிகர் ரஜினிகாந்த் என்னை தொடர்பு கொண்டு என்னை சந்திக்க விரும்புவதாக தெரிவித்தார். இதையடுத்து நேற்று காலை தயாராக இருக்கச் சொன்னார்கள். அவர்களுக்காக திருவண்ணாமலையில் காத்திருந்தேன், காலையில் ரஜினிகாந்த் வீட்டிலிருந்து உதவியாளரின் காரில் திருவண்ணாமலைக்கு வந்தார். அங்கிருந்து என்னை சென்னையில் உள்ள அவரது வீட்டிற்கு அழைத்துச் சென்று அங்கு எனக்கு முதலில் உணவு பரிமாறினார்கள்.

நான் ரஜினியிடம் 20 நிமிடம் பேசினேன். அவர் எனது சேவையை பாராட்டினார். மேலும் அவர் எனக்கு ஒரு ஆம்புலன்சை பரிசாக கொடுத்தார். எப்படி இவ்வளவு நாள் இந்தப் பணியில் ஈடுபட முடிந்தது என்று கேட்டார். மேலும் குடும்ப வாழ்க்கை மிகவும் முக்கியமானது. உங்களுக்கு ஏதாவது உதவி தேவைப்பட்டால் என்னிடம் கேளுங்கள். என்னால் முடிந்ததைச் செய்வேன் என்று உறுதியளித்தார். அவரிடம் ஆசி பெற்றேன். ரஜினிகாந்த் ஆம்புலன்ஸ் கொடுத்தது என் வாழ்நாளில் மறக்க முடியாதது. அவருடைய உதவி எனக்கு மிகுந்த மகிழ்ச்சியையும் உத்வேகத்தையும் அளித்துள்ளது. ரஜினிகாந்த் வழங்கிய ஆம்புலன்ஸ் மூலம் ஆதரவற்றவர்களின் உடல்களை எடுத்துச் செல்ல முடியும். மேலும் வயதானவர்களை மருத்துவமனைக்கு கொண்டு செல்லவும் இதைப் பயன்படுத்தலாம். என்று தெரிவித்தார்.