‘RC 15’ படத்தின் பாடல்கள் பிரமாண்டமாக முடிந்ததை ராம் சரண் மற்றும் படக்குழுவினர் கேக் வெட்டி கொண்டாடினர். ஷங்கர் மற்றும் ராம் சரண் கூட்டணியில் உருவாகும் படம் ‘RC 15’ திரைப்படம் ஆகும். இது மிகவும் பிரமாண்டமான திரைப்படமாக உருவாகி வருகிறது. இத்திரைப்படத்தில் பாலிவுட் நடிகையான கியாரா அத்வானி முதன்மை கதாநாயகியாக நடித்து வருகிறார். இப்படத்தில் எஸ்.ஜே.சூர்யா, அஞ்சலி மற்றும் பலர் முக்கிய கதாபாத்திரத்தில் நடித்து வருகின்றனர். தமன் இசையில் உருவாகி வரும் இந்த படத்தை தில் ராஜுவின் ஸ்ரீ வெங்கடேஸ்வரா கிரியேஷன் நிறுவனம் தயாரிக்கிறது.

அரசியல் திரில்லர் கதைக்களத்தில் உருவாகி வரும் இந்த திரைப்படம் தமிழ், தெலுங்கு, இந்தி, மலையாளம் மற்றும் கன்னடம் ஆகிய 5 மொழிகளில் பான் இந்தியா படமாக தயாராகிறது. இந்த படத்தின் படப்பிடிப்பு பல கட்டங்களாக நடந்து வருகிறது. இப்படத்தின் படப்பிடிப்பு ஏற்கனவே முடிந்துவிட்டது.

தற்போது இப்படத்தில் இடம்பெற்றுள்ள பாடல் காட்சிகள் படமாக்கப்பட்டு வருகிறது. கடந்த டிசம்பர் மாதம் இந்த படத்தின் பாடல் ஒன்று நியூஸ்லாந்தின் அழகிய பகுதியில் பாடல் படமாக்கப்பட்டது. அதையடுத்து, அடுத்த பாடலின் படப்பிடிப்பு கடந்த சில நாட்களுக்கு முன்பு நடைபெற்றது. பிரபல நடன இயக்குனர் பிரபுதேவா இந்த பாடலுக்கு நடனம் அமைத்துள்ளார். இந்நிலையில் இந்த பாடல் நிறைவடைந்ததை ராம் சரண், ஷங்கர் மற்றும் படக்குழுவினர் கேக் வெட்டி கொண்டாடினர். இந்த விடியோவானது தற்போது சமூக வலைத்தளங்களில் வைரலாகி வருகிறது.