Relocation of Electrical Appliances Charge % Reduced : மின் சாதனங்களை இடமாற்றம் செய்வதற்கான கட்டண சதவீதம் குறைக்கப்பட்டது - Tangedco புதிய அறிவிப்பு

பொதுமக்கள் கடந்த காலத்தில் தங்களது வயல்கள் அல்லது நிலங்களுக்கு அருகே அமைந்துள்ள மின் கம்பம், மின் கம்பி, மின் பாதை, மின் மாற்றி மற்றும் மின் சாதனங்களை இடமாற்றம் செய்ய வேண்டும் என்றால் தமிழ்நாடு மின் உற்பத்தி மற்றும் பகிர்மானக் கழகத்திற்கு சென்று தங்களது விண்ணப்பித்தை சமர்ப்பிக்க வேண்டும். அந்த சமயத்தில் பொதுமக்கள் மொத்த மதிப்பீட்டு தொகையில் 22 சதவீதத்தை செலுத்த வேண்டும். இது ஒரு பெரிய சுமையாக இருப்பதாக பொதுமக்கள் பலரும் கருதி வந்தனர். பொதுமக்கள் அந்த 22 சதவீத மதிப்பீட்டு தொகையை குறைக்க வேண்டி தொடர் கோரிக்கைகள் முன்வைத்து வந்தனர்.

இந்த பொதுமக்களின் தொடர் கோரிக்கைகளை கருத்தில் கொண்டு முதலமைச்சர் மு.க.ஸ்டாலின் அந்த 22 சதவீத மதிப்பீட்டு தொகையை குறைக்க அறிவுறுத்தி உள்ளார். முதலமைச்சர் மு.க.ஸ்டாலினின் அறிவுறுத்தலின் பேரில் மதிப்பீட்டு தொகை ஆனது குறைக்கப்பட்டுள்ளது. அதனால் Tangedo தற்போது மின் சாதனங்களை இடமாற்றம் செய்ய வெறும் 5  சதவீத மதிப்பீட்டு தொகையை மட்டும் செலுத்தினால் போதுமானது என்று தெரிவித்துள்ளது. இதனால் பொதுமக்கள் செலுத்த வேண்டிய மதிப்பீட்டு தொகை ஆனது கட்டாயம் வெகுவாக குறையும் என எதிர்பார்க்கப்படுகிறது. இந்த Tangedco-ன் அறிவிப்பு ஆனது தமிழக மக்களுக்கு மிகுந்த மகிழ்ச்சி அளித்துள்ளது.