Retro Release Date Announced : சூர்யா நடிக்கும் ரெட்ரோ படத்தின் ரிலீஸ் தேதி அறிவிப்பு

சூர்யா நடிப்பில் உருவாகி வரும் ‘ரெட்ரோ’ திரைப்படம் மே 1 ஆம் தேதி வெளியாகிறது. கார்த்திக் சுப்புராஜ் இயக்கத்தில் சூர்யா, பூஜா ஹெக்டே, ஜெயராம், கருணாகரன், ஜோஜு ஜார்ஜ் மற்றும் பலர் (Retro Release Date Announced) இப்படத்தில் நடித்துள்ளனர். இது சூர்யாவின் 44-வது படம். இப்படத்தை 2டி என்டர்டெயின்மெண்ட் மற்றும் ஸ்டோன் பெஞ்ச் இணைந்து தயாரித்துள்ளது. படத்தின் ஃபர்ஸ்ட் லுக் வெளியானதில் இருந்தே ரசிகர்கள் மிகுந்த எதிர்பார்ப்பில் உள்ளனர். இப்படத்திற்கு சந்தோஷ் நாராயணன் இசைமைத்துள்ளார். படத்தின் ஃபர்ஸ்ட் லுக் வெளியானதில் “Love Laughter War” என்ற வசனம் இடம்பெற்றிருந்தது. மேலும், சமீபத்தில் ஒரு பேட்டியில் கார்த்திக் சுப்புராஜ், சூர்யா நடிக்கும் படம் ஆக்சன் படம் அல்ல, காதல் கதை என்று கூறியிருந்தார்.

மேலும் கார்த்திக் சுப்புராஜ் தனது படங்களில் ஹீரோக்களை வித்தியாசமாகவும் மாஸாகவும் சித்தரிப்பதில் பெயர் பெற்றவர். அந்த வகையில் கார்த்திக் சுப்புராஜ் இயக்கத்தில் சூர்யாவை பார்க்க ரசிகர்கள் ஆவலாக உள்ளனர். சூர்யாவை காதல் படத்தில் காண பல வருடங்களாக காத்திருக்கும் ரசிகர்களின் ஏக்கத்தை போக்க ரெட்ரோ படம் உருவாகும் என ரசிகர்கள் நம்பிக்கை தெரிவித்துள்ளனர். அதன்படி ரெட்ரோ படத்தின் டீசர் வெளியிடப்பட்டது. டீசரில் சூர்யா மற்றும் பூஜா ஹெக்டே இடையேயான கெமிஸ்ட்ரியை ரசிகர்கள் பாராட்டினர். இதனை பலரும் சமூக வலைதளங்களில் ரீலாக வெளியிட்டனர். சூர்யாவின் கடைசிப் படமான கங்குவா எதிர்பார்த்த வெற்றியைப் பெறாத நிலையில், ரெட்ரோ படத்தின் மீதான எதிர்பார்ப்பு அதிகமாக உள்ளது.