Rishabh Pant Fitness : ரிஷப் பந்த் முழு நேர விக்கெட் கீப்பராக செயல்படுவாரா?

ரிஷப் பந்த் கடந்த 14 மாதங்களாக காயத்தில் இருந்து மீண்டு ஃபிட்னஸ் பயிற்சிகளை மேற்கொண்டு வருகிறார். காயத்திலிருந்து குணமடைந்த (Rishabh Pant Fitness) பிறகு பிசிசிஐ அனுமதித்தால் மட்டுமே ரிஷப் பந்த் மீண்டும் விளையாட முடியும். இந்நிலையில் 2024 ஐபிஎல் தொடரில் விக்கெட் கீப்பர்-பேட்ஸ்மேனாக பணியாற்ற பிசிசிஐ அனுமதி அளித்துள்ளது. இதன் பிறகு, அவர் டெல்லி கேபிடல்ஸ் அணியில் இணைந்து 2024 ஐபிஎல் தொடரில் பங்கேற்பார் என்று எதிர்பார்க்கப்படுகிறது. ரிஷப் பந்த் முன்பு டி20 அணியில் நிரந்தர விக்கெட் கீப்பர் பேட்ஸ்மேனாக இருந்தார், ஆனால் ஐபிஎல் தொடர் அவருக்கு இந்திய அணியில் மீண்டும் இடம் பிடிக்க வாய்ப்பாக அமையும். 2024 ஐபிஎல் தொடரில் ரிஷப் பந்த்தின் விக்கெட் கீப்பிங் மற்றும் பேட்டிங் திறனை இந்திய அணியின் தேர்வுக் குழு உன்னிப்பாகக் கண்காணிக்கும் என்று கூறப்படுகிறது. அவர் சிறப்பாக செயல்பட்டால் நேரடியாக இந்திய டி20 அணியில் இடம் பெறுவார்.