Ritika Singh Shares Pic with Rajinikanth: ரஜினிகாந்துடன் நடிகை ரித்திகா சிங்

இந்த படத்தின் படப்பிடிப்பு கடந்த ஆண்டு அக்டோபர் மாதம் கேரளாவில் தொடங்கியது. அதன்பிறகு தமிழகத்தில் திருநெல்வேலி, தூத்துக்குடி போன்ற இடங்களில் படப்பிடிப்பு நடந்து தற்போது ஆந்திர மாநிலம் கடப்பாவில் படப்பிடிப்பு நடந்து வருகிறது. இந்நிலையில், படப்பிடிப்பு தளத்தில் நடிகை ரித்திகா சிங் காயமடைந்தார். கண்ணாடியில் மோதியதில் அவரது உடலில் சிறு காயங்கள் ஏற்பட்டன. அதன்பிறகு ரித்திகா சிங் காயங்களில் இருந்து மீண்டு தற்போது மீண்டும் படப்பிடிப்பில் கலந்து கொண்டுள்ளார். படப்பிடிப்பின் இடையே ரஜினிகாந்துடன் புகைப்படம் எடுத்து சமூக வலைதளங்களில் பதிவிட்டுள்ளார். இந்த புகைப்படம் தற்போது சமூக வலைதளங்களில் வைரலாகி வருகிறது. இந்தப் புகைப்படத்துடன் ஆங்கிலப் பாடலைப் பதிவிட்ட அவர், ரஜினிகாந்துடன் நடிப்பதை தனது வாழ்க்கையின் மிகச்சிறந்த தருணங்களில் ஒன்றாக குறிப்பிட்டுள்ளார்.