Romeo Movie Review: ரோமியோ திரைப்படத்தின் திரை விமர்சனம்

நான் படத்தின் மூலம் நடிகராக அறிமுகமான விஜய் ஆண்டனி, தனது நடிப்பில் “இந்தியா பாகிஸ்தான்” படத்தில் மட்டுமே கலகலப்பான கேரக்டரில் நடித்தார். நீண்ட இடைவெளிக்குப் பிறகு விஜய் ஆண்டனி ரோமியோ படத்தில் வித்தியாசமான நடிப்பில் நடித்துள்ளார். ஒரு அமைதியான கிராமத்து பையனாக, ரோமியோவாக படம் பார்வையாளர்களை பிரமிக்க வைக்கிறார். மிருளாளினி ரவியும் படத்தில் சிறப்பான நடிப்பை வெளிப்படுத்தியிருக்கிறார். குறிப்பாக கிளைமாக்ஸ் காட்சியில் அவரது நடிப்பு ரசிக்க வைக்கிறது. இவர்களைத் தவிர யோகி பாபு, வி.டி.வி கணேஷ், ஷாரா ஆகியோரின் கதாபாத்திரங்கள் சிறப்பாக உள்ளன.

சில இடங்களில் அடுத்து என்ன நடக்கப் போகிறது, சில இடங்களில் இப்படித்தான் நடக்கப் போகிறது என்று யோசிக்கும் வகையில் திரைக்கதை அமைந்துள்ளது. முதல் பாதியில் வரும் திருமணக் காட்சிகள் மற்றும் கிளைமாக்ஸ் காட்சிகள் இரண்டும் அருமை. பின்னணி இசை பல இடங்களில் நன்றாக வேலை செய்கிறது. கேமரா ஒவ்வொரு காட்சியையும் தனித்து தெரிய வைக்கிறது. முதல் பாதியில் ஆங்காங்கே வரும் பாடல்கள் படத்தின் வேகத்தைக் குறைக்கின்றன. அதை கொஞ்சம் குறைக்கலாம். மேலும், படத்தின் திரைக்கதை வித்தியாசமாக இருக்க பல காட்சிகளைச் சேர்த்திருப்பது சற்று சொதப்பலாக அமைந்துள்ளது. ட்ரைய்லரை பார்த்து விட்டு செல்பவர்களுக்கு நிச்சயம் ஏமாற்றமே. ஆனால் இந்த விடுமுறையில் ரோமியோவை உங்கள் குடும்பத்துடன் தாராளமாக பார்க்கலாம்.