Sarfaraz Fifty On Debut Match - Platform Tamil
Google News Feed
News

Sarfaraz Fifty On Debut Match : அறிமுக போட்டியிலேயே அதிரடி காட்டிய சர்பராஸ் கான்

ராஜ்கோட் :

இந்திய அணி கேப்டன் ரோகித் சர்மா 73 ஆண்டுகால வரலாற்றை முறியடித்து சாதனை படைத்தார். இங்கிலாந்து அணிக்கு எதிரான 3வது டெஸ்ட் போட்டியில் இந்திய அணி விளையாடி வருகிறது. கேப்டன் ரோகித் சர்மா-யஷ்வி ஜெய்ஸ்வால் ஜோடி துவக்கியது. இதில், கடந்த 2 டெஸ்ட் போட்டிகளில் சிறப்பாக விளையாடிய யாஷ்வி ஜெய்ஸ்வால் வெறும் 10 ரன்களில் ஆட்டமிழக்க, பின்னர் சுப்மான் கில் 9 பந்துகளை சந்தித்து அவுட்டானார். இளம் வீரர் ரஜத் பட்டிதார் அதிக ரன்கள் சேர்ப்பார் என எதிர்பார்க்கப்பட்ட நிலையில், டாம் ஹார்ட்லி பந்தில் 5 ரன்களில் பெவிலியன் திரும்பியதும் இந்திய அணியின் ஓய்வு அறை பதற்றமாக இருந்தது. அதன்பின் பேட்டிங் வரிசையை மாற்றி 5வது பேட்ஸ்மேனாக ஜடேஜாவை களமிறக்கினார் பயிற்சியாளர் ராகுல் டிராவிட்.

கேப்டன் ரோகித் சர்மா :

பின்னர் ரோகித் சர்மா-ஜடேஜா இணை இந்திய அணிக்கு புத்துயிர் அளித்தது. சிறப்பாக விளையாடிய இந்திய அணி கேப்டன் ரோகித் சர்மா 157 பந்துகளில் சதம் அடித்தார். சர்வதேச டெஸ்ட் கிரிக்கெட்டில் ரோஹித் சர்மாவின் 11வது சதம் இதுவாகும். அதுமட்டுமின்றி இங்கிலாந்து அணிக்கு எதிராக 3வது முறையாக சதம் அடித்தார். அதுமட்டுமின்றி இங்கிலாந்துக்கு எதிராக தொடக்க ஆட்டக்காரராக அதிக சதம் அடித்த வீரர்கள் பட்டியலில் ரோகித் சர்மா 2வது இடத்திற்கு முன்னேறியுள்ளார். ரோஹித் சர்மா-ஜடேஜா ஜோடி 204 ரன்கள் எடுத்த நிலையில், ரோஹித் சர்மா 196 பந்துகளில் 3 சிக்ஸர்கள், 14 பவுண்டரிகள் உட்பட 131 ரன்கள் எடுத்தார்.

இதன் மூலம் அதிக சிக்ஸர்கள் அடித்த இந்திய வீரர்களின் பட்டியலில் தோனியின் சாதனையை ரோஹித் சர்மா முறியடித்துள்ளார். டெஸ்ட் கிரிக்கெட்டில் தோனி 78 சிக்ஸர்கள் அடித்துள்ள நிலையில், ரோகித் சர்மா 80 சிக்ஸர்களுடன் 2-வது இடத்திற்கு முன்னேறியுள்ளார். இங்கிலாந்துக்கு எதிராக டெஸ்ட் கிரிக்கெட்டில் சதம் அடித்த மிக வயதான இந்திய கேப்டன் என்ற பெருமையையும் ரோஹித் சர்மா பெற்றுள்ளார். இந்திய கேப்டன் விஜய் ஹசாரே 1951-ம் ஆண்டு இங்கிலாந்துக்கு எதிராக 36 வயது 278 நாட்களில் சதம் அடித்தார். ரோஹித் சர்மா 36 ஆண்டுகள் 291 நாட்களில் சதம் அடித்து 73 ஆண்டுகால சாதனையை முறியடித்தார்.

Sarfaraz Fifty On Debut Match :

இந்த நிலையில் இங்கிலாந்து அணிக்கு எதிரான போட்டியில் களம் இறங்கிய இளம் வீரர் சர்பராஸ் கான் அதிரடியாக விளாசி அரை சதம் (Sarfaraz Fifty On Debut Match) குவித்தார். பல வருடங்களாக வாய்ப்புக்காக காத்திருந்த சர்பிராஸ் கான், 6 ஆண்டுகளுக்கு பிறகு கிடைத்த முதல் வாய்ப்பை சரியாக பயன்படுத்தி ரசிகர்களின் மனதில் இடம் பிடித்துள்ளார். இந்திய அணி 33 ரன்களுக்கு 3 விக்கெட்டுகளை இழந்தது. இதன்பிறகு நான்காவது விக்கெட்டுக்கு ஜோடி சேர்ந்த ரோகித் சர்மா, ஜடேஜா அபாரமாக விளையாடி 204 ரன்கள் சேர்த்தார். இந்நிலையில் ரோகித் சர்மாவின் இழப்பால் இந்திய அணி மீண்டும் களமிறங்குமோ என்ற அச்சம் ஏற்பட்டது. இந்நிலையில் அப்போது களம் இறங்கிய சர்பிராஸ் கான் தனது அனுபவத்தை வெளிப்படுத்தினார்.

சர்பிராஸ் கான் ரஞ்சி கிரிக்கெட்டில் செய்ததை சர்வதேச கிரிக்கெட்டிலும் செய்ய ஆரம்பித்தார். சர்பிராஸ் கான் இறுக்கமான பந்துகளை அபாரமாக கையாண்டு, அடிக்க வேண்டிய பந்துகளை விளையாடினார். சர்பிராஸ் கான் முதல் 20 ரன்கள் வரை சற்று பொறுமை காத்து அதன் பிறகு அதிரடி காட்டினார். சுழற்பந்து வீச்சாளர்களின் பந்துவீச்சை அல்வா போல் தின்று 7 பவுண்டரிகள், ஒரு சிக்சர் அடித்து 48 பந்துகளிலும் அரைசதம் கடந்தார். இதன் மூலம், அறிமுக போட்டியில் அதிவேக அரைசதம் அடித்த இரண்டாவது இந்திய வீரர் என்ற (Sarfaraz Fifty On Debut Match) பெருமையை பெற்றார். முன்னதாக ஹர்திக் பாண்டியா 48 பந்துகளில் அதிவேக அரைசதம் அடித்த நிலையில், தற்போது சர்பிராஸ் கான் அதை சமன் செய்துள்ளார். இந்த சாதனையை சர்பிராஸ் கானின் குடும்பத்தினர் உற்சாகமாக கொண்டாடினர். சர்பிராஸின் ஆட்டம் முதிர்ச்சியைக் காட்டுவதாகவும், ரஞ்சி கிரிக்கெட்டில் அவர் எவ்வளவு நன்றாகக் கற்றுக்கொண்டார் என்பதைக் காட்டுவதாகவும் கவாஸ்கர் பாராட்டினார்.

Latest Slideshows

Leave a Reply