இந்தியா இன்றும் Shakuntala Railway Line-க்காக பிரிட்டிஷாருக்கு பணம் செலுத்துகிறது

இந்தியாவில் ஆங்கிலேயர் ஆட்சியின் போது சகுந்தலா இரயில்வே எனப்படும் 190 கிலோமீட்டர் நீளமுள்ள குறுகிய ரயில் பாதை ஆனது யவத்மால் மற்றும் மூர்த்திஜாபூர் இடையே கட்டப்பட்டது. சகுந்தலா ரயில்வே பாதையை 1910ல், கில்லிக்-நிக்சன் (Killick-Nixon) என்ற தனியார் பிரிட்டிஷ் நிறுவனம்தான் நிறுவியது. ஆங்கிலேயர் ஆட்சியின்போது இந்த சகுந்தலா ரயில்வே பாதையில் ரயில்களை மத்திய இந்தியா முழுவதும் இயங்கிய கிரேட் இந்தியன் பெனிசுலர் ரயில்வே (Great Indian Peninsular Railway) நிறுவனம் இயக்கியது. முதலில் சரக்கு ரயில் செல்லும் பாதையாக சகுந்தலா ரயில்வே பாதை (Shakuntala Railway Line) இருந்தது.

அதாவது பருத்தியை யவத்மாலில் இருந்து மும்பைக்கு (பம்பாய்) கொண்டு செல்லும் பாதையாக இருந்தது. பின்னர் இது மக்களை ஏற்றிச் செல்லும் இரயில்வே பாதையாக மாற்றப்பட்டது. மத்திய இந்தியாவில் யவத்மால் மற்றும் அச்சல்பூர் இடையே சகுந்தலா எக்ஸ்பிரஸ் இயக்கப்படுகிறது. இன்றைய நிலையில் சகுந்தலா ரயில்வே பாதையில் (Shakuntala Railway Line) ஒரு நாளைக்கு ஒரு சுற்றுலா ரயில் மட்டுமே இயங்கி வருகிறது. 19 ஆம் நூற்றாண்டில் தண்டவாளங்களை நிறுவிய நிறுவனம் தான் இன்னும் இந்த ரயில் பாதையை பராமரித்து வருகிறது. பிரிட்டிஷ் நிறுவனத்தின் கீழ் தான் இன்றும் இந்த ஒரு ரயில் பாதை இருக்கிறது. இன்றும் இந்திய அரசு அந்த பாதைக்காக பிரிட்டிஷாருக்கு ரூ.1.2 கோடி கட்டணத்தை செலுத்தி வருகிறது. இந்திய ரயில்வே துறை சகுந்தலா ரயில் பாதைக்காக பிரித்தானியர்களுக்கு பணம் செலுத்துவதாகக் கூறப்படும் அறிக்கையை மறுத்துள்ளது, மேலும் இந்த நெட்வொர்க்கில் தற்போது எந்த ரயில் சேவையும் இயங்கவில்லை என்று கூறியது.