வெஸ்ட் இண்டீஸ் அணியின் அறிமுக வீரர் Shamar Joseph சாதனை

Shamar Joseph இரண்டாவது இன்னிங்ஸில் 7 விக்கெட்டுகளை வீழ்த்தி ஆஸ்திரேலியாவின் கோட்டையான பிரிஸ்பேனில் வரலாற்று வெற்றியை பதிவு செய்தார். இதன் மூலம் 1997ஆம் ஆண்டுக்கு பிறகு ஆஸ்திரேலிய மண்ணில் முதல் டெஸ்ட் போட்டியில் வெஸ்ட் இண்டீஸ் வெற்றி பெற்றது. இதனை பாராட்டி ஐசிசி தற்போது அவருக்கு ஜனவரி மாதத்திற்கான சிறந்த வீரர் விருதை வழங்கியுள்ளது. இது குறித்து Shamar Joseph கூறும்போது, “இந்த விருது கிடைத்ததில் மிகவும் மகிழ்ச்சி அடைகிறேன். உலக அளவில் இப்படி ஒரு விருதை பெறுவது சிறப்பு. ஆஸ்திரேலியாவுக்கு எதிரான இரண்டாவது டெஸ்டில் விளையாடும் போது ஒவ்வொரு தருணத்தையும் ரசித்தேன். நான் வீசிய கடைசி பந்து எனக்கு மிகவும் பிடித்திருந்தது. ஒரு விக்கெட்டை வீழ்த்தி அணிக்கு வெற்றியைக் கொண்டு வர வேண்டும் என்பதே எனது கனவு. அந்த கனவு எனக்கு நினைவாகியது. இருப்பினும் தொடர்ந்து கடினமாக உழைப்பேன். இதுபோன்ற பல போட்டிகளில் வெஸ்ட் இண்டீஸ் வெற்றி பெற உதவுவேன். ஆஸ்திரேலியாவில் எனக்கு உதவிய அனைத்து அணி அதிகாரிகளுக்கும் எனது நன்றியைத் தெரிவித்துக் கொள்கிறேன்” என்று Shamar Joseph கூறினார்.