Singer Susheela Got Doctorate : திரைப்பட பின்னணி பாடகி பி.சுசீலாவுக்கு முதல்வர் ஸ்டாலின் டாக்டர் பட்டம் வழங்கினார்

இந்த பட்டமளிப்பு விழாவில் பி.சுசீலாவுக்கு டாக்டர் பட்டம் வழங்கிய முதல்வர் ஸ்டாலின் தான் பி.சுசீலாவின் ரசிகன் என்று கூறி பி.சுசீலா அவர்கள் பாடிய ‛‛நீ இல்லாத உலகத்திலேயே… உன் நினைவு இல்லாத இதயத்திலே சிந்தனை இல்லை.. காயும் நிலா வானில் வந்தால் கண் உறங்க வில்லை.. உன்னை கண்டுக்கொண்ட நாள் முதலாய் பெண் உறங்கவில்லை” எனும் பாடலை பாடி அனைவரையும் கவர்ந்தார். பாடகி சுசீலா அவர்களின் குரலில் மயங்காதவர்களே இருக்க முடியாது என்றும் அதில் தானும் ஒருவர் என்றார். வெளியூர்களுக்கு இரவு நேரத்தில் தான் பயணிக்கும்போது பாடகி சுசீலா அவர்களது பாடல்களை காரில் கேட்டு கொண்டே செல்வதாகவும் அதில் தனக்கு ரொம்ப பிடித்த பாட்டு என்றால் இதுதான் என்றும் தான் இந்த பாடலை அடிக்கடி பல இடங்களில் பாடியுள்ளதாகவும் கூறினார். அதனால்தான் தான் மேடைக்கு வந்தவுடன் பாடகி சுசீலா அம்மையாரை பார்த்து “நான் உங்கள் ரசிகன் என்று வெளிப்படையாகவே சொன்னதாகவும்” கூறினார்.

பட்டம் வாங்க வந்திருந்த பாடகி பி.சுசீலா மேடையில் போடப்பட்டு இருந்து இருக்கையில் அமர்ந்திருந்தார். முதல்வர் ஸ்டாலின் டாக்டர் பட்டம் வழங்க (Singer Susheela Got Doctorate) பாடகி பி.சுசீலா அருகே சென்றபோது எழுந்த பாடகி பி.சுசீலா நிலைத்தடுமாறி தனது இருக்கையில் விழுந்தார். அந்த சமயத்தில் முதல்வர் ஸ்டாலினின் பி.சுசீலா கையை இறுக பிடித்தார். அதன்பிறகு முதல்வர் ஸ்டாலின் மற்றும் மறுப்பக்கம் நின்ற அமைச்சர் சாமிநாதன் ஆகியோரின் கைகளை பிடித்து மீண்டும் எழுந்து நின்று பி.சுசீலா கவுரவ டாக்டர் பட்டத்தை (Singer Susheela Got Doctorate) பெற்றார். தற்போது இணையதளங்களில் இது தொடர்பான வீடியோ ஆனது வெளியாகி வைரலாகி பரவி வருகிறது.