Sri Lanka Vs Netherlands : இலங்கைக்கு எதிரான போட்டியில் நெதர்லாந்து சிறப்பான பேட்டிங்

இலங்கை அணிக்கு எதிரான போட்டியில் (Sri Lanka Vs Netherlands) முதலில் பேட் செய்த நெதர்லாந்து அணி தொடக்கம் முதலே விக்கெட்டுகளை இழந்தது. முதல் ஆறு பேட்ஸ்மேன்களில் அதிகபட்சமாக கொலின் ஆக்கர்மேன் 29 ரன்கள் எடுத்தார். ஒரு கட்டத்தில் நெதர்லாந்து 91 ரன்கள் எடுத்து 6 விக்கெட்டுகளை இழந்தது. அணி 150 ரன்களை எடுப்பது கடினமாக இருந்த நிலையில், ஏழாவது மற்றும் எட்டாவது பேட்ஸ்மேன்களான சைப்ரண்ட் மற்றும் லோகன் வான் பீக் ஆகியோர் பார்ட்னர்ஷிப் போட்டனர். சைப்ரண்ட் 70 ரன்களும், வான் பீக் 59 ரன்களும் எடுத்தனர். நெதர்லாந்து அணி 49.4 ஓவர்களில் அனைத்து விக்கெட்டுகளையும் இழந்து 262 ரன்கள் எடுத்தது. இலங்கையின் மதுஷங்கா, ரஜிதா ஆகியோர் தலா 4 விக்கெட்டுகளை வீழ்த்தினர். தீக்ஷனா 1 விக்கெட் வீழ்த்தினார். இலங்கை அணி 6 விக்கெட்டுகளை வீழ்த்திய பிறகு ஆட்டம் நம் கையில் என்று தப்புக் கணக்கு போட்டது அந்த அணிக்கு பின்னடைவாக அமைந்தது. இலங்கை அணிக்கு 263 ரன்கள் சவாலான இலக்கு (Sri Lanka Vs Netherlands) நிர்ணயிக்கப்பட்டது.