Suriya 44 First Look : சூர்யா 44 படத்தின் ஃபர்ஸ்ட் லுக் வெளியீடு

லோகேஷ் கனகராஜ் இயக்கத்தில் கமல்ஹாசன் நடித்த விக்ரம் படத்தின் கிளைமாக்ஸ் காட்சியில், சூர்யா ரோலக்ஸ் கதாபாத்திரத்தில் மிரட்டலாக வந்திருப்பார். அவரது குளோசப் காட்சிகள் ரசிகர்களை மிரட்டின. அதேபோல் கங்குவா படத்தின் டீசரில் சூர்யா தனது முகத்தை குளோசப் காட்சியில் காட்டி மிரட்டுவார். அதேபோல் தற்போது வெளியாகியுள்ள சூர்யா 44 படத்தின் ஃபர்ஸ்ட் ஷார்ட் (Suriya 44 First Look) வீடியோவில் திரும்பியபடி அமர்ந்திருக்கும் சூர்யா தனது முகத்தை மிக நெருக்கமாக ஜூம் செய்து காட்டியுள்ளார். இதில் ரோலக்ஸ் பிரெஞ்ச் தாடியுடன் இருப்பது போல் இருக்கிறதே என ரசிகர்கள் கருத்து தெரிவித்து வருகின்றனர்.

இந்த வீடியோவில் 80களின் ரெட்ரோ நாயகர்களின் ஆடை மற்றும் ஃபங்க் ஹேர்ஸ்டைளுடன் சூர்யாவின் லுக் மாஸாக அமைந்துள்ள நிலையில், அவரது புகைப்படங்கள் சமூக ஊடகங்களில் ட்ரெண்டாகி வருகின்றன. சூர்யா இந்த வீடியோவில் கேங்ஸ்டர் போன்ற தோற்றத்தில் தோன்றியுள்ள நிலையில், அந்த வீடியோவுடன் ‘காதல், சிரிப்பு, போர்’ என்ற வசனம் இடம்பெற்று எதிர்பார்ப்பை அதிகரித்துள்ளது. இப்படத்தில் சூர்யாவுக்கு வில்லனாக இயக்குநரும் நடிகருமான உறியடி விஜயகுமார் நடிக்கவுள்ளதாகவும், இசையமைப்பாளர் சந்தோஷ் நாராயணன் இப்படத்திற்கு இசையமைப்பதாகவும் கூறப்படுகிறது. மேலும் இப்படத்திற்கு ஷ்ரேயாஸ் கிருஷ்ணா ஒளிப்பதிவும், ஷபிக் முகமது அலி படத்தொகுப்பும் செய்யவுள்ளதாக கார்த்திக் சுப்புராஜ் சில நாட்களுக்கு முன்பு அறிவித்திருந்தார்.