Thalapathy 69 படத்தை இயக்க வாய்ப்பு கிடைத்தால் இயக்குவேன் | கௌதம் மேனன் அறிவிப்பு

ஜோஷ்வா படம் மார்ச் 1ம் தேதி திரைக்கு வர உள்ள நிலையில் படக்குழுவினர் நேற்று செய்தியாளர்களை சந்தித்தனர். அப்போது படத்தின் இயக்குனர் கௌதம் மேனனிடம் பத்திரிகையாளர்கள் பல கேள்விகளை கேட்டனர். விஜய்யின் Thalapathy 69 படம் குறித்தும் ஒரு கேள்வி எழுந்தது. Thalapathy 69 படத்தில் வாய்ப்பு கிடைத்தால் செய்வீர்களா என்று கேட்டதற்கு, கண்டிப்பாக செய்வேன், ஏன் செய்ய மாட்டேன் என்று பதிலளித்தார் கௌதம் மேனன். விஜய் தற்போது ‘The Greatest Of All Time’ படத்தில் நடித்து வருகிறார். இப்படத்தை தொடர்ந்து Thalapathy 69 படத்தில் நடிக்க கமிட்டாகியிருக்கிறார். சில வாரங்களுக்கு முன்பு நடிப்பிலிருந்து வெளிவந்து முழுக்க முழுக்க தீவிர அரசியலில் ஈடுபடப்போவதாக அறிவித்தார்.

இதனால் Thalapathy 69 படத்தின் இயக்குனர் மீது அதிக கவனம் செலுத்தப்பட்டுள்ளது. இப்படத்தை பிரபல தெலுங்கு தயாரிப்பு நிறுவனமான டிவிவி தயாரிக்கும் என்பது உறுதியாகியுள்ளது. இப்படத்தை கார்த்திக் சுப்புராஜ் முதல் திரிவிக்ரம் வரை இயக்குவதாக அடுத்தடுத்து தினந்தோறும் ஒரு தகவல் சமூக வலைத்தளங்களில் வெளியாகி வருகிறது. கௌதம் மேனனுடன் விஜய் ஆக்‌ஷன் படமோ அல்லது காதல் படமோ நடித்தால் எப்படி இருக்கும் என்று ரசிகர்கள் இப்போதே நினைத்துக் கொண்டிருக்கிறார்கள். Thalapathy 69 படம் குறித்த அப்டேட் மார்ச் அல்லது ஏப்ரலில் அறிவிக்கப்படும் என்று கூறப்படுகிறது.