Thangalaan Release Date : தங்கலான் படத்தின் ரிலீஸ் தேதி அறிவிப்பு

பா.இரஞ்சித் கடைசியாக நட்சத்திரம் நகர்கிறது என்ற படத்தை இயக்கினார். இது அவர் இயக்கிய படங்களில் மிக மோசமான விமர்சனம் பெற்ற படமாக அமைந்தது. மெட்ராஸ், அட்டகத்தி போன்ற அற்புதமான கதைகளை எழுதிய ரஞ்சித் நட்சத்திரம் நகர்கிறது போன்ற கதையை எழுதியிருக்கவே கூடாது. படம் ஃபேஸ்புக்கில் நடக்கும் உரையாடல் போல் இருப்பதாக ரசிகர்கள் வெளிப்படையாகப் பேசினர். இப்படிப்பட்ட சூழலில் விக்ரமை வைத்து தங்கலான் படத்தை இயக்க கமிட்டானார். ஸ்டுடியோ கிரீன் நிறுவனம் பெரும் பொருட்செலவில் தயாரித்துள்ள இந்த படத்தில் மாளவிகா மோகனன், பார்வதி திருவொத்து, பசுபதி உள்ளிட்ட பலர் நடித்துள்ளனர். ஜி.வி.பிரகாஷ் இசையமைத்துள்ள தங்கலான் படத்தின் படப்பிடிப்பு கர்நாடகாவில் உள்ள கோலார் தங்க வயல்களில் நடந்த சம்பவங்களை மையமாக வைத்து எடுக்கப்பட்டுள்ளது.

கடந்த ஆண்டு வெளியான இப்படத்தின் மேக்கிங் வீடியோ மற்றும் ட்ரெய்லர் ரசிகர்களிடம் படத்தின் மீதான எதிர்பார்ப்பை அதிகரித்தது. அதை பார்த்த ரசிகர்கள், விக்ரம் சும்மாவே அசுரத்தனமாக உழைப்பார். இப்போது பா.ரஞ்சித்துடன் இணைந்துள்ளார் சொல்லவா வேண்டும். படம் நிச்சயம் மெகா ஹிட் ஆகும் என்று கருத்து தெரிவித்தனர். இந்த படத்தில் விக்ரம் நீண்ட தலை முடி மற்றும் தாடியுடன் பார்க்கவே வித்தியாசமான தோற்றத்தில் இருக்கிறார். தங்கலான் படத்தின் டீசர் கடந்த ஆண்டு நவம்பர் 1 ஆம் தேதி வெளியாகி ரசிகர்களிடம் பெரும் வரவேற்பைப் பெற்றது. இப்படம் ஜனவரி 26 ஆம் தேதி வெளியாகும் என்று முதலில் கூறப்பட்டது. ஆனால் மாதங்கள் கடந்ததே தவிர தங்கலான் படம் வெளியாவதாக தெரியவில்லை. இதனால் ரசிகர்கள் ஏமாற்றம் அடைந்தனர்.