The Kerala Story Screening in Theatres: திரைக்கு வந்த "தி கேரளா ஸ்டோரி"

‘தி கேரளா ஸ்டோரி’ என்ற ஹிந்திப் படத்தின் டிரைலர் வெளியானபோது, ​​இது அரசுக்கு எதிராக எடுக்கப்பட்ட வகுப்புவாதப் படம் போல் இருப்பதாகக் கூறி கேரள முதல்வர் பினராயி விஜயன் தனது எதிர்ப்பை பதிவு செய்தார். ‘தி கேரளா ஸ்டோரி’ படத்தின் டிரைலரை பார்த்து இப்படம் பல்வேறு உண்மை சம்பவங்களை மையமாக வைத்து எடுக்கப்பட்டிருப்பதாக குறிப்பிடப்பட்டிருந்தது. மேலும், 32,000 பெண்கள் இஸ்லாம் மதத்துக்கு மாறி ஐ.எஸ். அமைப்பில் இணைவதாக குறிப்பிடப்பட்டு இருந்தது. இது பெரும் விவாதத்தையும் ஏற்படுத்தியது.

எனவே கேரளாவின் ஒற்றுமையை சீர்குலைக்கும் நோக்கில் இந்தப் படம் எடுக்கப்பட்டுள்ளது என்று இந்திய ஜனநாயக வாலிபர் கூட்டமைப்பைச் சேர்ந்த வி.கே. சனோஜ் தெரிவித்திருந்தார். மேலும், ‘தி கேரளா ஸ்டோரி’ படத்தை வெளியிடக் கூடாது என கேரளாவைச் சேர்ந்த பல்வேறு அரசியல் கட்சிகள் மற்றும் அமைப்புகள் கோரிக்கை விடுத்தன. இந்நிலையில் கேரளாவை சேர்ந்த பலர் சமூக வலைதளங்களில் கேரளாவின் பன்முகத்தன்மையை உயர்த்தி கருத்துகளை பதிவிட்டனர். இந்நிலையில், ஒரு மசூதிக்குள் நடந்த இந்து விழாவின் வீடியோ ஒன்று பரவலாக பகிரப்பட்டு வருகிறது. இந்த வீடியோவை பிரபல இசையமைப்பாளர் ஏ.ஆர். ரகுமானும் பகிர்ந்து கொண்டு, மனிதனின் அன்பு அளவிட முடியாதது என்று கூறினார். இதனை தொடர்ந்து இந்த திரைப்படம் பல தடைகளை தாண்டி திரைக்கு வந்துள்ளது.