Tirupur Panchayat Leader Donated Free Bus : அரசுப் பள்ளிக்கு ரூ.16 லட்சத்தில் இலவசமாகப் பேருந்து

திருப்பூர் மாவட்டம் படியூர் ஊராட்சி மன்றத் தலைவரான ஜீவிதா சண்முகசுந்தரம் தனது சொந்த செலவில் படியூரில் உள்ள அரசு மேல்நிலைப் பள்ளி மற்றும் அரசு தொடக்கப் பள்ளிக்கு ரூ.16 லட்சத்தில் இலவசமாகப் பேருந்து (Tirupur Panchayat Leader Donated Free Bus) வழங்கியுள்ளார். ஆயிரத்துக்கும் மேற்பட்ட மாணவ மற்றும் மாணவிகள் படியூரில் இயங்கி வரும் அரசு மேல்நிலைப் பள்ளி மற்றும் அரசு தொடக்கப் பள்ளிகளில் பயின்று வருகின்றனர். இந்தப் பள்ளிகளுக்கு படியூர், ரோஸ் கார்டன், ஓட்டப்பாளையம், சிவகிரிபுதூர், பழனியப்பா நகர், காந்தி நகர், இந்திரா நகர், கோவில்மேடு மற்றும் சுற்றுவட்டாரத்தில் உள்ள கிராமங்களில் இருந்து தினந்தோறும் மாணவ மாணவிகள் வந்து செல்கின்றனர்.

இந்தப் பள்ளிகள் வழியே ஒரே ஒரு அரசுப் பேருந்து மட்டுமே குறிப்பிட்ட நேரத்தில் இயக்கப்பட்டு வருகிறது. சுற்றுவட்டாரத்தில் உள்ள கிராமங்களில் இருந்து வரும் மாணவ மாணவிகள் இதனால் தினந்தோறும் குறித்த நேரத்திற்கு பள்ளிக்கு வருவதும், வீட்டுக்குச் செல்வதும் இயலாமல் தவித்து வந்தனர். ஆனால் பெரும்பாலான குழந்தைகள் பள்ளிக்கு நடந்துதான் வருகின்றனர். மாலை வேலைகளில் தனியாக கிராமப் பகுதிகளுக்குச் செல்ல வேண்டிய மாணவிகள் தவிக்கும் சூழல் ஆனது இருந்தது. குறிப்பாக சிறப்பு வகுப்புகளை முடித்துவிட்டு மாணவிகள் வீட்டுக்குத் தனியாகச் செல்வதில் பல சிக்கல்கள் இருந்தன. கிராமப்புற மக்கள் கூடுதல் பேருந்து கோரி தொடர் மனுக்கள் அளித்து வந்தனர்.