Tuticorin Double Rail Line : தென்னகத்தின் நெடு நாள் கனவு நினைவானது

பிரதமர் நரேந்திர மோடி மதுரை-தூத்துக்குடி இடையே 160 கிலோமீட்டர் தொலைவுக்கு இரட்டை (Tuticorin Double Rail Line) வழித்தடமாக்கப்பட்ட ரயில் பாதையை 02/01/2023 இன்று தொடங்கி வைத்தார். இன்று காலை 10.15 மணிக்கு பிரதமர் மோடி திருச்சி விமான நிலையத்துக்கு வந்திறங்கினார். முதல்வர் ஸ்டாலின் மற்றும் ஆளுநர் ஆர்.என்.ரவி ஆகியோர் பிரதமர் நரேந்திர மோடியை வரவேற்றனர். இன்றைய ஒருநாள் பயணத்தில் பிரதமர் நரேந்திர மோடி 2 நிகழ்ச்சிகளில் பங்கேற்றார். திருச்சி பாரதிதாசன் பல்கலைக்கழகத்தின் 38-வது பட்டமளிப்பு விழாவில் பங்கேற்று மாணவ-மாணவிகளுக்கு பட்டங்கள் வழங்கிய பிரதமர் நரேந்திர மோடி அதன்பிறகு திருச்சி விமான நிலையத்தில் நடந்த நிகழ்ச்சியில் பங்கேற்றார்.

பிரதமர் மோடி திருச்சி விமான நிலையத்தின் ரூ1,100 கோடியிலான புதிய முனையத்தை தொடங்கி வைத்ததோடு, தமிழகத்தில் ரூ.20,140 கோடி மதிப்பிலான 20 திட்டங்களையும் நாட்டுக்கு அர்ப்பணித்தார். தென்மாவட்ட மக்களின் கனவு திட்டமான மதுரை-தூத்துக்குடி இரட்டை வழித்தட ரயில் பாதை ஆனது அதில் ஒரு திட்டம் ஆகும். மதுரை-தூத்துக்குடி இடையே ரூ.1,890 கோடி மதிப்பிட்டில் இரட்டை வழித்தடத்துக்கான ரயில் பாதை (Tuticorin Double Rail Line) அமைக்கும் பணி திட்டமிட்டபடி தொடங்கி தற்போது பணிகள் முழுவதுமாக முடிவடைந்துள்ளன. அதனால் மதுரை-தூத்துக்குடி இரட்டை வழித்தடமாக்கப்பட்ட ரயில் பாதையை (Tuticorin Double Rail Line) பிரதமர் நரேந்திர மோடி நாட்டுக்கு அர்ப்பணித்தார். 160 கிலோமீட்டர் தொலைவுக்கு மதுரையில் இருந்து தூத்துக்குடி வரை ரயில் பாதை இரட்டிப்பாக்கப்பட்டுள்ளது.