Udhayanidhi Donates 1 Cr To Nadigar Sangam : நடிகர் சங்க கட்டிட பணிக்கு ரூ.1 கோடி வழங்கிய உதயநிதி

தென்னிந்திய நடிகர் சங்கத்திற்கு புதிய கட்டிடம் கட்டப்பட்டு வருகிறது. பல ஆண்டுகளுக்கு முன் துவங்கப்பட்ட இதன் கட்டுமான பணி இன்னும் நிறைவடையவில்லை. இதற்கு நிதி பற்றாக்குறையே காரணம். இதற்காக பல்வேறு ஏற்பாடுகள் செய்யப்பட்டு வருகின்றன. தற்போது நடிகர் சங்க தலைவராக நாசர் பணியாற்றி வருகிறார். பொருளாளராக கார்த்தியும், பொதுச் செயலாளராக விஷாலும் உள்ளனர். இந்நிலையில் நடிகர் விஷால், நடிகர் சங்க கட்டிடம் கட்டி முடித்த பிறகுதான் திருமணம் செய்து கொள்வதில் உறுதியாக உள்ளார். தற்போது கட்டுமானப் பணிகள் இறுதிக்கட்டத்தில் உள்ளன.

அதை நிறைவேற்ற வங்கியில் கடன் வாங்க உள்ளதாக நடிகர் சங்க கூட்டத்தில் ஏற்கனவே தீர்மானம் நிறைவேற்றப்பட்ட நிலையில், அமைச்சர் உதயநிதி ஸ்டாலின் அவர்களுக்கு நிதியுதவி வழங்கியுள்ளார். நடிகர் சங்க கட்டிட பணிகளுக்கு ரூ.1 கோடி நிதியுதவி (Udhayanidhi Donates 1 Cr To Nadigar Sangam) அளித்துள்ளார். நடிகர் சங்க நிர்வாகிகள் கார்த்திக், நாசர், விஷால், பூச்சி முருகன், கருணாஸ் ஆகியோர் சென்னையில் உதயநிதியை சந்தித்து அவரிடம் இருந்து ரூ.1 கோடிக்கான காசோலையை பெற்றுக்கொண்டனர். இதற்கான காசோலையை நடிகர் சங்க பொருளாளர் கார்த்தியிடம் உதயநிதி ஸ்டாலின் வழங்கினார்.