Valentine's Day 2024 : காதலர் தின வரலாறும் கொண்டாட்டமும்

உலகில் உள்ள அனைத்து ஜீவராசிகளும் கொண்டாடும் வார்த்தைகளில் ஒன்று தான் காதல். அப்பா, அம்மா, குழந்தைகள், நண்பர்கள், உறவினர்கள் என ஒவ்வொருவரின் மீதும் ஒவ்வொரு விதமான பாசம் கலந்த காதலை வார்த்தைகளால் விவரிக்க முடியாது. உணர்வு பூர்வமாக அனுபவிக்கும் காதலை ஒவ்வொரு ஆண்டும் பிப்ரவரி 14 ஆம் தேதி (Valentine’s Day 2024) அன்று கொண்டாடப்படுகிறது. இந்த நாளுக்கு முந்தைய வாரத்தில் இருந்தே கொண்டாட்டங்கள் தொடங்குகின்றன. நாமும் இந்த நாளை நமக்குத் தெரிந்தபடி கொண்டாடுகிறோம். ஆனால் இந்த நாள் ஏன் கொண்டாடப்படுகிறது? இதைப் பற்றி ஒரு நாள் கூட யோசித்தது இல்லை. காதலர் தினத்தின் வரலாறு மற்றும் முக்கியத்துவம் பற்றி இங்கு தெரிந்து கொள்வோம்.

காதலர் தின வரலாறு :

காதலர் தினத்தைக் கொண்டாடுவதற்கான சரியான காரணம் எதுவும் தெரியவில்லை என்றாலும், காதலர் தினம் ரோமானியப் பேரரசில் இருந்ததாக வரலாறு கூறுகிறது. ரோமானியப் பேரரசர் இரண்டாம் கிளாடியுஸ் காலத்தில், ஆண்கள் திருமணம் செய்து கொண்டால், அவர்களின் வீரம் குறையும் என்று அந்நாட்டு அரசரின் எண்ணமாக இருந்தது. அதனால் தான் அந்நாட்டு ஆண்களுக்கு திருமணம் செய்ய தடை விதித்துள்ளார். இந்நிலையில் தான் திருமணம் செய்து கொள்ள வேண்டும் என்று நினைத்த ஆண்களுக்கு வேலண்டைன் என்ற பாதிரியார் திருமணம் செய்து வைத்துள்ளார். இது மன்னருக்குத் தெரிந்ததும், பிப்ரவரி 14ஆம் தேதி பாதிரியார் வேலண்டைனுக்கு மரண தண்டனை விதிக்கப்பட்டது. அவரைப் போற்றும் வகையில் ஒவ்வொரு பிப்ரவரி 14ஆம் தேதி காதலர் தினமாக (Valentine’s Day 2024) கொண்டாடப்படுவதாக வரலாறு கூறுகிறது. இது ஒரு பொதுவான விஷயம் என்றாலும், ஒவ்வொரு நாடும் வெவ்வேறு வரலாற்றைக் கொண்டு இந்த நாளைக் கொண்டாடுகிறது என்பது கவனிக்கத்தக்கது.

Valentine's Day 2024 - காதலர் தின கொண்டாட்டங்கள் :

சாதி, மதம், மொழி போன்றவற்றைக் கடந்து காதல் இன்று வரை அனைத்து உயிர்களுக்கும் பொதுவான ஒன்றாக உள்ளது. இந்நிலையில், உலக காதலர் தினம் (Valentine’s Day 2024) நாளை கொண்டாடப்பட உள்ளது. பிப்ரவரி 7 முதல் காதலர் தினத்திற்கு ஒவ்வொரு நாளும் கொண்டாடப்பட்டு வருகிறது. அதன்படி பிப்ரவரி 14ம் தேதி உலக காதலர்கள் அனைவரும் தங்கள் மகிழ்ச்சியை வெளிப்படுத்துவார்கள். இந்த காதலர் தினத்தில் ஒருவரின் அன்புக்குரியவர்களுடன் அட்டைகள், பூக்கள், சாக்லேட்டுகள் மற்றும் பரிசுகளை பரிமாறிக்கொள்வது வழக்கம்.

இவை பெரும்பாலும் இதயங்கள், ரோஜாக்கள் மற்றும் மன்மதன் போன்ற அன்பின் சின்னங்களால் அலங்கரிக்கப்படுகின்றன. இரவு உணவு, திரைப்படம் அல்லது சுற்றுலா போன்ற இடங்களுக்கு காதலர் தினத்தன்று வெளியே செல்வது வழக்கம். சில தம்பதிகள் காதலர் தினத்தன்று முன்மொழிய திருமணம் செய்துகொள்ளவும் தேர்வு செய்கிறார்கள். இவ்வாறு பல்வேறு முறைகளில் தங்களுடைய அன்பை வெளிப்படுத்த காதலர் தினம் (Valentine’s Day 2024) கொண்டாடப்படுகிறது.