Vidaamuyarchi Release Date Update : விடாமுயற்சி பொங்கலுக்கு வெளியாவதாக அறிவிப்பு

அஜித் படம் ஒன்று வெளியானால் அஜித் ரசிகர்கள் அந்த அளவிற்கு மகிழ்ச்சி அடைகிறார்களோ அதே அளவிற்கு வருந்தவும் செய்கிறார்கள். அஜித்தின் படம் குறித்த அறிவிப்புகளுக்காக வருடங்கள் காத்திருக்கின்றன. அப்படி துணிவு படத்திற்கு பிறகு அஜித் நடிக்க இருப்பதாக அறிவிக்கப்பட்ட படம் தான் விடாமுயற்சி. தடம், மீகாமன் போன்ற படங்களை இயக்கிய மகிழ் திருமேனி இப்படத்தை இயக்குகிறார். அனிருத் இசையமைக்கும் இப்படத்தை லைகா புரொடக்ஷன்ஸ் தயாரிக்கிறது. இப்படத்தின் தலைப்பு கடந்த ஆண்டு வெளியாகி ரசிகர்களிடம் கலவையான வரவேற்பை பெற்றது. இதைத் தொடர்ந்து அஜர்பைஜான், துபாய் உள்ளிட்ட நாடுகளில் படப்பிடிப்பு நடத்தப்பட்டது. இப்படத்தில் த்ரிஷா, ஆரவ், ரெஜினா, அர்ஜுன் மற்றும் பலர் இப்படத்தில் நடிக்கின்றனர். படத்திற்கு ஓம் பிரகாஷ் மற்றும் நீரவ் ஷா ஒளிப்பதிவு செய்துள்ளனர்.

படத்தின் தலைப்பைத் தவிர எந்த தகவலும் இல்லாதது அஜித் ரசிகர்களின் பொறுமையை சோதித்தது. இந்நிலையில், படத்தில் பணியாற்றிய ஸ்டண்ட் மாஸ்டர் விபத்தில் உயிர் இழந்தார். இந்த செய்தியானது பெரும் சோகத்தை ஏற்படுத்தியது. அப்போது அஜித்தின் குட் பேட் அக்லி படத்தின் அறிவிப்பு வெளியானது. அப்போது ரசிகர்கள் விடாமுயற்சி இவ்வளவு தானா என்று கேள்வி எழுப்பினர். படம் கைவிடப்பட்டதாக வதந்திகள் பரவின. இந்த வதந்திகளுக்குப் பிறகு, படக்குழு படத்தைப் பற்றிய சிறிய அப்டேட்களை ரசிகர்களுக்கு வழங்கத் தொடங்கியது.