Viduthalai 2 : விடுதலை 2 படத்திற்காக கெட்டப் மாற்றிய விஜய் சேதுபதி

தமிழ் சினிமா ரசிகர்களின் விருப்பமான இயக்குனர்களில் ஒருவராக வெற்றிமாறன் திகழ்ந்து வருகிறார். இவரது படங்களுக்கு தனி ரசிகர் பட்டாளம் உள்ளது. இவர் இயக்கத்தில் கடைசியாக வெளியான ‘விடுதலை’ திரைப்படம் ரசிகர்களிடம் வித்தியாசமான வரவேற்பை பெற்றது. இதையடுத்து தற்போது படத்தின் இரண்டாம் பாகத்தை இயக்கி வருகிறார். இந்நிலையில் ‘Viduthalai 2’ படம் குறித்த லேட்டஸ்ட் தகவல் ஒன்று வெளியாகியுள்ளது. கோலிவுட் திரையுலகில் ஒன்றன் பின் ஒன்றாக ஹிட் படங்களை கொடுத்து வருபவர் வெற்றிமாறன். அவர் தனது எல்லா படங்களிலும் சமூக பிரச்சனைகளை தொடர்ந்து பேசி வருகிறார். இதனாலேயே அவரது படங்களுக்கு வரவேற்பு கிடைக்கும் அளவுக்கு எதிர்ப்பும் வருகிறது. ஆனால் அதைப் பற்றியெல்லாம் கவலைப்படாமல் சமூகப் பிரச்சனைகளை தன் படங்கள் மூலம் தொடர்ந்து பேசி வருகிறார்.