TVK Leader Actor Vijay Extends Bakrid Wishes : பக்ரீத் வாழ்த்து தெரிவித்த த.வெ.க தலைவர் விஜய்

நடிகரும், தமிழ்நாடு வெற்றிக் கழகத்தின் தலைவருமான விஜய் இஸ்லாமிய சொந்தங்கள் அனைவருக்கும் பக்ரீத் பண்டிகை வாழ்த்து (TVK Leader Actor Vijay Extends Bakrid Wishes) தெரிவித்துள்ளார். நாடு முழுவதும் இன்று பக்ரீத் பண்டிகை சிறப்பாக கொண்டாடப்பட்டு வருகிறது. கடவுள் நம்பிக்கை உள்ள தூதர்கள் எந்த தியாகத்தையும் செய்ய தயங்க மாட்டார்கள் என்பதை உணர்த்தவே பக்ரீத் பண்டிகை கொண்டாடப்படுகிறது. ஒவ்வொரு ஆண்டும் இஸ்லாமிய நாட்காட்டியில் வரும் துல்ஹஜ் மாதத்தின் 10வது நாளில் பக்ரீத் பண்டிகை கொண்டாடப்படுகிறது. அந்த வகையில் இந்த ஆண்டு பக்ரீத் பண்டிகை இன்று கொண்டாடப்படுகிறது.

இந்நாளில் நாடு முழுவதும் உள்ள மசூதிகள் மற்றும் பொது மைதானங்களில் நடைபெற்ற சிறப்பு தொழுகைகளில் குழந்தைகள் முதல் பெரியவர்கள் வரை இஸ்லாமிய மக்கள் அனைவரும் கலந்து கொண்டு வழிபாடு செய்தனர். தங்கள் அன்பையும் மகிழ்ச்சியையும் வெளிப்படுத்திக் கொண்டனர். இந்நிலையில் இன்று, பிரதமர் மோடி, முதல்வர் மு.க.ஸ்டாலின் உள்ளிட்ட பல்வேறு அரசியல் தலைவர்கள் மற்றும் திரையுலக பிரபலங்கள் என பலரும் நாட்டு மக்களுக்கு பக்ரீத் வாழ்த்துக்களை தெரிவித்துள்ளனர்.