Vijay Makkal Iyakkam Member Files Complaint : நடவடிக்கை எடுக்கக் கோரி வழக்கு

நடிகர் விஜய் மீது காலணி வீசிய சம்பவம் தொடர்பாக நடவடிக்கை (Vijay Makkal Iyakkam Member Files Complaint) எடுக்க கோயம்பேடு போலீசாரிடம் விஜய் மக்கள் இயக்கம் புகார் அளித்துள்ளது.

நடிகரும், தேமுதிக தலைவருமான விஜயகாந்த் உடல்நலக் குறைவால் டிசம்பர் 28ஆம் தேதி காலமானார். அவரது மரணம் தமிழக மக்களிடையே பெரும் அதிர்ச்சியையும் சோகத்தையும் ஏற்படுத்தியது. அரசியல் தலைவர்கள் முதல் தேமுதிக நிர்வாகிகள், திரையுலக பிரபலங்கள், ரசிகர்கள், பொதுமக்கள் என பலரும் விஜயகாந்தின் மறைவுக்கு இரங்கல் தெரிவித்ததோடு, அவரது இறுதி ஊர்வலத்திலும் கலந்து கொண்டனர். கடந்த 28ம் தேதி சென்னை கோயம்பேட்டில் உள்ள தேமுதிக தலைமை அலுவலகத்தில் விஜயகாந்தின் உடல் பொதுமக்கள் பார்வைக்காக வைக்கப்பட்டு ஏராளமானோர் அஞ்சலி செலுத்தினர். அப்போது நடிகர் விஜய்யும் அஞ்சலி செலுத்தினார். மிகவும் சோகமாக காணப்பட்ட விஜய், கனத்த இதயத்துடன் பிரேமலதாவுக்கும் அவரது மகன்களுக்கும் ஆறுதல் கூறினார். பெட்டிக்குள் வைக்கப்பட்டிருந்த விஜயகாந்தின் உடலை சில நொடிகள் கண் வாங்காது பார்த்துவிட்டு விஜய் சோகத்துடன் நடந்து சென்றது நெஞ்சை நெகிழ வைக்கும் நிகழ்வாகவும் பார்க்கப்பட்டது.