Vijay Makkal Iyakkam Trolls : இதைத்தான் விஜய் செய்யச் சொன்னாரா?

ஈசிஆர் சரவணன் முதியோர் இல்லத்தில் பட்டினியால் வாடும் மக்களுக்கு அன்னதானம் செய்யும் வீடியோவை சற்றுமுன் வெளியிட்டிருந்தார். தளபதி விஜய் உத்தரவுப்படி புயலால் பாதிக்கப்பட்ட மக்களுக்கு உணவு வழங்குகிறோம் என்று விஜய் மக்கள் இயக்கம் தெரிவித்திருந்தது. ஆனால், அந்த வீடியோவில் விஜய்யின் புகைப்படத்தை தூக்கிக்கொண்டு ஒருவர் நடமாடுவது சர்ச்சையை ஏற்படுத்தியுள்ளது. விஜய் மக்கள் நிர்வாகிகள் அனைவரும் தங்கள் சட்டையில் விஜய்யின் புகைப்படம் தைக்கப்பட்ட பேட்ஜ்களை வைத்துள்ளனர். அதையும் தாண்டி ஒருவர் விஜய்யின் பெரிய ஃப்ரேம் போட்டோவை உணவு அருந்துபவர்களுக்கு முன்னால் காட்டிக் கொண்டு ஒருவர் செல்வது எல்லாம் கேவலமான செயல் என்றும், இப்படிப்பட்டவர்களால் தான் விஜய்க்கு கெட்ட பெயர் வருகிறது என்றும் கார்த்திக் ரவிவர்மா தனது ட்விட்டர் பக்கத்தில் பதிவிட்டுள்ளார். ரஜினி ரசிகர்கள் அனைவரும் இதைத்தான் விஜய் செய்யச் சொன்னாரா? என்ற கேள்வியை (Vijay Makkal Iyakkam Trolls) எழுப்பி வருகின்றனர்.