Vijay Party Name Correction : விஜய்யின் கட்சி பெயரில் திடீர் மாற்றம்

விஜய் மக்கள் இயக்கம் சமீபகாலமாக அரசியல் நிகழ்வுகளில் அதிக ஆர்வம் காட்டி வந்தது. நடிகர் விஜய்யும் பல்வேறு அணி நிர்வாகிகளுடன் அவ்வப்போது ஆலோசனை நடத்தி இயக்கம் சார்பில் பல புதிய திட்டங்களை செயல்படுத்தி வந்தார். சென்னை, பனையூரில் உள்ள அலுவலகத்தில், மாநில பொதுக்குழு மற்றும் செயற்குழு கூட்டத்தை கூட்டிய விஜய், மாவட்ட நிர்வாகிகளுடன் தொடர்ந்து ஆலோசனை நடத்தினார். இந்த சந்திப்பில் விஜய் புதிய கட்சி தொடங்க உள்ளதாகவும், அவர் கட்சி தலைவராக செயல்படுவார் என்றும் தகவல் வெளியானது.

இதையடுத்து பிப்ரவரி 2 ஆம் தேதி, இந்திய தேர்தல் ஆணையத் தலைமையகத்தில் விஜய் மக்கள் இயக்கத்தின் பொதுச் செயலாளர் புஸ்ஸி ஆனந்த் கட்சிக்கு பெயரிட்டார். அதன்படி விஜய்யின் கட்சி பெயர் “தமிழக வெற்றி கழகம்” என தேர்தல் ஆணையத்தில் பதிவு செய்யப்பட்டுள்ளது. இதையடுத்து அக்கட்சியின் தலைவர் என்ற முறையில் நடிகர் விஜய் அறிக்கை வெளியிட்டார். “தமிழ்நாட்டு மக்களுக்கு என்னால் முடிந்தவரை முழுமையாக உதவ வேண்டும் என்பதே எனது நீண்ட கால நோக்கம்” என்று தெரிவித்திருந்தார். மேலும் தமிழக மக்களுக்காக நமது அரசியல் பயணம் தொடங்கும் என்றும், முழு அரசியலில் ஈடுபட்ட பிறகு சினிமாவில் இருந்து விலகுவதாக அறிவித்தார்.